Аз жаргалтай байх хамгийн амархан арга бол үр дүн дээр биш үйл явц дээр төвлөрөх гэдгийг өнөөдөр л яс махандаа ортол ойлголоо. Үр дүнгээ өгөхгүй хэрэггүй зүйл хийгээд байгаа мэт санагдвал өөрт үүсгэж буй хүлээлтээ ажиглаад үзээрэй. Гомдол төрвөл өөрийгөө ажиглах естой дохио гээд л бодчих. Аан бас нээрээ гомдол тайлах хамгийн шилдэг арга цэвэрлэгээ байдаг шүү! Гомдол гэх мэдрэмжийн талаар дараа бүлгэмийн уулзалтаараа хамтдаа ярилцъя.

Ойрд нилээн ачаалалтай байгааг ч хэлэх үү, сэтгэл хөдлөлдөө автчих гээд байгаа. Бидний сэтгэл хөдлөлдөө автаж, ядарч, гутарч, зовдог үндсэн шалтгаан бол АСТ ЗАСЛЫН хүрээнд тайлбарлахдаа "Би" гэх ойлголтод хэтэрхий их баригддаг болохоор гэж тайлбарладаг. Нэг ёсондоо би амжилттай байх ёстой, би сайн ээж байх ёстой гэх мэт хийж буй үйлдэл бүхэн маань ардаа "Би" гэх ойлголтод хэтэрхий баригдсан болохоор тэр юм. Иймээс "өөрийгөө өөртөө авчрах" өөрийн техникээ танилцуулъя. Өөрийн "Би"-г өөрөөсөө тусгаарлах нь: Өглөөний нарны мөргөл > тийм ээ ойлгомжтой мэт санагдаж магадгүй л дээ. Гэхдээ юу хийж байгаа нь тийм чухал биш. Йоганы оронд та алхаж болно, жимд явж болно гол нь булчингаа ажиллуулж, булчин цуцах хэрэгтэй. Харин хийж байх явцад та өөрийгөө хэн ч биш үл орших байдлаар төсөөлөөрэй. Нэг ёсондоо би өглөөний нарны мөргөл хийх явцад булчин минь цуцаж ядрах үедээ өөртөө хэлдэг үгс хамгийн чухал юм. Ингэхдээ "энэ л хоромд би ээж биш, хэн нэгний хүүхэд биш, хэн нэгний эхнэр биш, би ямар ч дүрд үл орших цорын ганц боломж минь яг энэ цаг хугацаанд тохиож байна" гэх мэтээр өөрийн толгойг хоослох тэр цаг мөч юм. Өөрийгөө өөртөө авчрах буюу өөрийн оршихуйгаасаа татгалзаж гэмээн таны бодол, сэтгэл хөдлөл бүхэн унтрах боломжтой. Энэ л арга зүйд би ойрдоо суралцах гэж их хичээж байна даа. Танд хэрэгтэй гэвэл туршаад үзээрэй. Эсвэл энэ мэт өөрийн аргаасаа бас хуваалцаарай. Та өөрийн оршихуйн дүрээсээ хэрхэн чөлөөлөгддөг вэ? #ActTherapy #ACTЗасал #ЭмзэгБайхБоломж

1. ӨНӨӨДӨР ГАЙХАМШИГТАЙ ӨДӨР БОЛНО: Ингэж өөртөө хэлэх нь зүгээр нэг эерэг сэтгэл зүйг дэмжээд байгаа гэхээс илүүтэй, СОНГОЛТ байдаг шүү гэж сануулах үүднээс хэлдэг гэнэ. Жишээ нь та өөртөө "Өнөөдөр гайхамшигтай өдөр" болно гэж хэлээд гартал хамгийн хайртай дотны хүн чинь тэнгэрт дэвшлээ гэж бодъё. Та бүхэндээ ойлгуулах үүднээс хүнд жишээ авлаа. Ойлгоно бизээ... Мэдээж хүн бүхэнд юун гайхамшигтай өдөр болох вэ дээ... Гэсэн ч энэ нөхцөлд та гайхамшигтай байх СОНГОЛТЫГ хийнэ гэсэн үг. Хайртай хүнээ сүүлчийн замд нь үдэхдээ уйлж орилж хар бараан дурсамжаар үдэхээс илүүтэй сайхан бүхнийг нь дурсан санаж, амьдралд тань ийм их үнэ цэнэ эрхэм нэгэн байсанд нь талархаж сүүлчийн замд нь үдэх сонголтыг өөртөө хийж болох талаар юм. 2. ӨНӨӨДӨР МИНИЙ АМЬДРАЛД ШИНЭ БҮЛЭГ НЭЭГДЛЭЭ: Мэл ярихдаа хүн бүхэн амжилттай байхыг хүсдэг ч, чададгүй. Учир нь бүх хүн шантардаг. Гэхдээ тэрээр шантрах нь өөрөө муу болохгүй гэсэн үг биш л дээ, зүгээр л шантрах мэдрэмж мэдэрсэн ч, өөрийн үйлдлээрээ бүх мөрөөдөл, зорилго, амжилт гэх зүйлээсээ татгалздаг гэж ярив. Үнэндээ шантардаггүй хүн гэж байхгүй, амжилттай байгаа хүмүүсийн ялгаатай тал нь шантарч байгаа мэдрэмжээ таньж сурсандаа байдаг. Иймээс энэ үе тохиох үед ухамсартайгаар амрах хугацаа өөртөө олгож чаддаг бол энгийн хүмүүс нь мөрөөдлөөсөө татгалзан барин тэр чигтээ өөртөө амралт олгодог гэлээ. Харин үүний оронд шантрах үедээ амс хийгээд, дахин цоо шинэ бүлгийг эхлүүлж чаддаг хүн л өрмийг иддэг болохыг ойлгуулав. 3. БИ ШИЙДСЭН УЧРААС: За энэ үг бол Мэл Робинсоны подкастаас бус миний 2-р сард ойлгосон зүйл юм. Үнэндээ өнгөрсөн 2-р сард  маш завгүй, шантармаар, зорьсон зүйл минь утгаа алдаж, бүдэрсэн үйл явдлууд зөндөө тохиосон ч, Мэлийн хэлсэнчлэн өвдгөө гөвөөд урагшлахаас өөр замгүй байлаа. Өөр зам үгүй гэж бодох нь үнэхээр дарамттай байсан л даа. Жишээ нь чи маш их ядарч орж ирээд хоол хийнэ, өөр зам үгүй чамаас өөр хэн ч хийхгүй гэх бодол удаа дараа давтагдах тэр агшинд чи хоол хийхийг үзэн яддаг, чин сэтгэлээсээ хоол хийх үйл явцад дургүй болж хувирдаг. Гэтэл энэ дургүй гэж нэрлээд байгаа бүхэн зүгээр л чиний хийсвэр хүлээлт гэдгийг ойлгодоггүй. Зүгээр л миний тархинд нээх гоё ядарсан үед нь халуун хоолтой угтдаг эрчүүд гоё юм аа, эсвэл халуун хоолыг нь хийчихдэг хүүхдийг нь хараад өгдөг аав ээжтэй хүмүүс гоё юм аа гэх атаархал байдаг учраас би өөрөө ч мэдэхгүйгээр "хүлээлт үүсгэдэг" болохоор зовоод байгаа юм. Гэтэл нөхөр өндөр цалинтай ажиллаж ахуйн ачааллыг өөртөө үүрнэ гэдэг шийдвэрийг хамтдаа гаргасан гэдгээ үл санадаг. Эмээ өвөөд нь хүүхдийн хүмүүжлийг хариуцуулсан ээж аав болохгүй гэх шийдвэрт хамтдаа хүрсэн гэдгээ санадаггүй. Иймээс атаархлаас үүдэлтэй, сэтгэл хөдлөлд автахаас илүүтэй чи ямар шийдвэрт хүрсэн бэ гэдгээ эргэн санаж хүлээлт тавих хэрэггүй! Шийдвэрт хүрсэн л бол, бүх зүйл амар байх ёсгүй, учир нь чи өөрөө ийм амьдралыг шийдсэн учраас, учир нь чи хүсэл мөрөөдөлтэй ээж байхыг шийдсэн учраас амархан байх ёсгүй гэдгийг ухамсарласан цагт чамд хэцүү санагддаг бүхэн хэцүү биш болж хувирдаг юм байна гэдгийг энэ 2 сард ойлгов. Үнэндээ миний үнэт зүйл хоол хийж, гэр цэвэрлэж асрахуйн ажлаас илүүг хүсэж тэмүүлээд байгаа болохоор л амар биш сонголтыг өөрөө хийдэг. БИ ШИЙДСЭН УЧРААС БИ ЗОВЖ БАЙНА. Иймээс энэ 3 сард цоо шинэ хуудас эхэлж байгаа гэдгийг санаарай, учир нь та шийдсэн учраас...

Ойрд та хэдээсээ холдчихлоо уучлаарай. Хүүхэд маань өвдөөд юун ажил бас юун зөвлөгөө л байлаа. Өөрийн бүтээмжээ хянаж байгаад гэнэт та хэдээсээ асууя гэж бодов. Би хувьдаа ажил амьдралын балансыг хадгалах үүднээс notion гэх платформ ашигладаг юм. Эндээ өдрийн тэмдэглэл, жилийн хувийнхаа project төслүүдийг хянаад, гүйцэтгэл төлөвлөгөөгөө хянаад, номын тэмдэглэл, cv, цаашлаад энэ бүлгэмийнхээ сайтыг хүртэл хийсэн. Одоо сайжруулж л байна. Ер нь хувийнхаа бүхий л төлөвлөлтийг хийдэг юм. Та хэд маань бас суралцахыг хүсвэл би бүлгэмдээ зориулаад багахан төлбөртэй энэ сургалтыг хийж болно шүү. Ажлын холбогдолтойгоор энд би карьер төлөвлөлтийн дэвтэр хүртэл хийсэн байдаг. Мэдээж хиймэд оюун ухаан ашиглаад. Тиймээс сонирхсон хүнд нь энэ сургалтаа орж болно. Манай бүлгэмийн танилцуулга /Notion/ ашигласан сайт. Ингэж хийхийг сурахыг хүсвэл би сургалт орох өдрөө зоочих нь оо. https://flowery-power-80e.notion.site/256aa2bb39018015a601fb5da13c88fc

Өглөөний дасгал хийх зуураа йогийн багшаасаа сонссон сануулга үгсээ энд үлдээе... "Чиний л бие, чиний л амьсгал" "Өөрт хамгийн тухтайгаар, хамгийн эвтэйхнээр өөрийн хэмнэлээрээ хөдлөөрэй, ингэснээр юунаас ч хоцрохгүй өөрийн хэмнэлээр амьдарч байгаагаа мэдэрч амьсгалаарай..." "Зулайгаараа дээш тэмүүл" "Өөрийн дотоод хүч, өөрийн дотоод энергийг чөлөөлөөрэй" "Өөрийн булчин, шөрмөс байгаа бүхнийгээ мэдэрч бас энэрч хайрлаарай"