Тиймээ юутай үнэн сайхан амраарай. · Дотоод оршихуйн гайхамшиг

Тиймээ юутай үнэн сайхан амраарай.

Өөрийгөө л цэгцэл. Чамайг цэгцэрвэл ертөнц аяндаа цэгцэрнэ.

Агнистын Гэгээ.

Тийм ээ, эхлээд би өөрөө л эмх цэгцэндээ орох ёстой.

Уур бухимдал, гуниг гутрал, айдас зовнил, сэтгэл ханамжгүйн мэдрэмж бүхэн миний дотоод ертөнц хөл, толгойгоо алдсаныг илтгэнэ.

Түгшүүрийн дохио асч байгааг мэдэрсэн л бол бушуу “өрөөндөө” ор гэж багш хэлж байна. Энэ өрөө бол миний дотоод ертөнц. Өөр хэн ч хөл тавих эрхгүй орон зай. Энд хог новш хөглөрч байгаа бол өөрийн минь л “уран бүтээл”.

Хэн нэгэн орж ирээд цэвэрлэх боломжгүй. Хог тарьсан хүн өөрөө л цэвэрлэх ёстой. “Бусад хүн намайг гомдоосон, би тэднээс болж үймэрч байна” гэж үглэн дуу тавихаа больё.

17 comments