اشوفكم اليوم الساعه ٦ بتوقيت السعودية للجلسة المباشرة للجواب عن أسئلتكم

حأعمل تحدي لمدة ال ١٠ أيام القادمة اكتبي كل يوم تحدي واجهتيه مع أولادك وكيف اتعاملت معاه + اكتبي انجاز انتي فخورة فيه لمدة ١٠ أيام متواصلة من بكرا حأختار أم واحدة تحصل على جلسة كاملة لمدة ساعة معي نحل فيها التحدي اللي هيا بتواجهه في تربيتها متشوقة لتفاعلكم☺️

حاليا جلسة الاسئلة المباشرة بتكون يوم السبت الساعه ٦ هل تفضلو الويكند او ايام الاسبوع لهذه الجلسات؟

كيفكم يا حلوين؟ بحضر لكورس مسجل أضيفه للمجتمع كلاسرووم حابه آخذ رأيكم في أي شي حيفيدكم أكثر

قولولنا ايش احساسكم بعد ما الأولاد كبرو؟ مين يتمنى اولاده يرجعو صغار؟ اعطونا النصيحة اللي تتمنوا عرفتوها زمان... كل يوم تقريبا يجيني احساس انه الوقت بيجري...وانه قد ما قضيت وقت مع ياسمينا يمكن ما كان كفاية...اذكر نفسي انه حيجي يوم اتمنى أصحى الصباح وألاقي ياسمينا الصغيرة قدامي بكل حلاوتها وشقاوتها وبرائتها...وقد ايش حتوحشني لما تكبر (الله يخفظها).... ...فألغي الأشياء المو مهمة...أحاول أقضي وقت أكثر وأركز عليها... قولونا نصيحتكم عسى نستفيد منها🙏🏻🤍