Jul 8 • نقاشات عامة
بعض الكفر حلال 💡💡💡
من كام سنة كفرت بما يسمي قانون الجذب
ايا كان مسمياته بقي..
Law of attraction
Law of assumption
Law of Manifestation
Law of quantum field
كفرت بكل القوانين دي من قبل ما أشهد حتي ع بعض المعلمين الأجانب "واللي منهم اتعلمت أصل القوانين دي" مايكفروا بيهم او بمعنى ابسط من قبل مايغيروا طريقة طرحهم والترويج الجديد للقوانين دي بإستخدام مبدأ
"ان الكون ممكن له خطط تانيه" !!
دكتور جو ديسبنزا أشهر من اللي اتكلموا ع خلق الواقع بإستخدام المجال الكمي او قوانين الفيزياء او ان الانسان يقدر يجذب كل شئ لان بين افكاره وشعوره حقل كهرومعناطيسي ابتدا كمان مؤخرا يغير طريقة منهجه بالترويج لمبدأ
"ان في امور لازم هتخرج عن نطاق سيطرة الإنسان شئنا ام أبينا"...
الغريب ان مافيا الروحانية في العالم العربي بيروجوا للقوانين دي كأنها قرآن منزل!!!!!!!!!!!!!!!!!
اللي حصل مع المنتخب المصري امبارح جدد إيماني بالكفر بالقوانين دي...واتحدي اي حد يقدر يتكلم عن ان افراد المنتخب كان استحقاقهم مش عالي او انهم خسروا بسبب برمجتهم او او او....كله عبث...وكله كلام فارغ...وكله ترديد جمل بدون وعي بمعطيات الواقع المادي اللي احنا عايشين فيه....
لان الماتش كان له ابعاد سياسية واقتصادية "مش مكانها اتناقش فيها" والعالم كله بيتكلم عن الفضيحة التحكيمية اللي حصلت مع المنتخب المصري..وان الموضوع كان تدبير مسبق....والمنتخب شئنا ام أبينا كان لازم يخسر...
و بسبب اجادتي للغة العبرية وع ثقة من اللي بقوله ان مافيش حد مبسوط من المهزلة التحكيمية اللي حصلت مع المنتخب المصري امبارح غير الصهاينة (بالإضافة للشعب الأرجنتيني طبعا)
مافيا الروحانية حملوا الإنسان فوق كتافه حمل مش بتاعه بالترويج لمبدأ
"انك مسؤول عن كل صغيره وكبيره بتحصل في حياتك"...
وحملوا قلب الانسان فوق طاقته بأن الاقدار السيئة مسؤوليته وبس!!
(وع فكرة اعرف شخصيا ناس ألحدت بسبب القوانين بتاعت مافيا الروحانية دي)
مع ان احنا منهجنا منهج تسليم اصلا :
: {إِذْ قَالَ لَهُ رَبُّهُ أَسْلِمْ ۖ قَالَ أَسْلَمْتُ لِرَبِّ الْعَالَمِينَ}.
احنا منهجنا منهج رضا باختيارات الله "اللي مش هتيجي ع هوانا":
: ﴿قُل لَّن يُصِيبَنَا إِلَّا مَا كَتَبَ اللَّهُ لَنَا هُوَ مَوْلَانَا ۚ وَعَلَى اللَّهِ فَلْيَتَوَكَّلِ الْمُؤْمِنُونَ﴾
احنا منهجنا منهج "سَمِعْنَا وَأَطَعْنَا "...
منهجنا منهج "ما أصابك لم يكن ليخطئك" ..
منهجنا منهج:
:{مَا أَصَابَ مِن مُّصِيبَةٍ إِلَّا بِإِذْنِ اللَّهِ ۗ وَمَن يُؤْمِن بِاللَّهِ يَهْدِ قَلْبَهُ ۚ وَاللَّهُ بِكُلِّ شَيْءٍ عَلِيمٌ}.
احنا منهجنا منهج رضا بأقدار ربنا:
:{إِنَّا كُلَّ شَيْءٍ خَلَقْنَاهُ بِقَدَرٍ }
احنا منهجنا منهج : {لَنْ يَضُرُّوكُمْ إِلَّا أَذًى}
صدق الله العظيم.. {وَمَنْ أَصْدَقُ مِنَ اللَّهِ حَدِيثًا} ✨✨✨
حقيقي بعض الكفر حلال 💡💡💡
"ولكِ يا مِصْرُ السلامة
وسَلامًا يا بلادي" 💚💚💚💚💚💚
9
15 comments
بعض الكفر حلال 💡💡💡
skool.com/salah-makki
رحلةٌ روحانية مع صلاح مكي يأخذك من أساسيات الجسد الطاقي إلى أعماق علم الأنوار بيتٌ آمنٌ للباحثين عن الحقيقة، لا تفرّقهم العقيدة ولا تحدّهم اللغة
Leaderboard (30-day)
1
+30
2
+26
3
+25
4
+23
5
+22
Powered by