5h • Notes 📝
Vlog:3 Frequency of the Quran
🎙Assalam-u- alaikum Pakistan🇵🇰
□ Main is vlog par kaam karne mein 4 din late ho chuka hun.📹
Is vlog par kaam karne ka irada maine kaafi arsa pehle kiya tha
aur iske upar kaafi jaan bhi lagayi.
□ Lekin saath mein jo aap logon ke sawal aa rahe hain
aise sawalon ki mujhe koi umeed nahi thi.
□ Main vlog ko bohot simple rakhna chahta hun.
Main samjhana chahta hun ke ek Musalman
apni 100% power par kaise aa sakta hai?
□ Aap super powers kaise attain karte hain?
□ Aap apne nafs ko kaise maar sakte hain?
Lekin aap logon ke sawal ✍️📃to aur bhi mushkil hain 😅
□ Main sound aur film ke zariye samjhana chahta tha.
Kyunki is waqt dunya ki super power America hai
aur America in abilities ko ek aam insan ke liye
bohot had tak accessible kar chuki hai.
□ Hum technology ke zamane mein rehte hain.
Aur technology almost ek baisakh ki tarah,
ek support ki tarah, ek extra haath ki tarah
hamare shaana bashaana khara ho chuki hai.
□Hamare paas AI ka zamana shuru ho gaya hai
jismein aisi artificial intelligence banayi gayi hai
jo insan se zyada intelligent hai.
Theek hai wo saare kaam nahi kar sakti
lekin jitne kar pa rahi hai wo bhi ek bara alarm hai.
□ Dekhiye hamare zamane mein is waqt
jo sab se advanced cheez exist karti hai
wo Quran Pak hai.
□ Aur main ye kyun bol raha hun?
Main ye apni 30 saal ki zindagi ke nichor ke baad bol raha hun.
Kyunki Quran Pak ek aesi kitaab hai jo timeless hai.
Jis par waqt ka pehra nahi hai.
□ Aap jab bhi is kitaab ko uthayenge
aur jis niyat se uthayenge
ye usi niyat ka jawab degi.
□ Sab se aasan tareeqa jo mujhe maloom hai
Quran Pak parhne ka
wo hai Surah Fatiha pehle parhna
aur phir Surah parhna.
□ Kyun? Kyunki kaha gaya tha
Surah Fatiha mein har cheez ka ilaaj hai.
Aur iska naam hi "Fatiha" hai yani "kholne wala".
□ Surah Fatiha ko agar aap samajh lo
to pura Quran aap par khud bakhud khulna shuru ho jayega.
Aapko mujhse nahi poochna padega.
□ Kyunki doston, bhaiyon, Pakistaniyon
♡ Quran khud parhne ki zaroorat hai.
♡ Quran har bande se baat karta hai.
Aur jo aapke dil mein hoga, dimagh mein hoga
us hisab se aapse baat karega.
□Jab main sawal karta tha Quran Pak se
ke mujhe batao main kis tarah dua karun?
Aesi dua karun ke main haath uthaaun
aur foran qabool ho jaye
□ To sab se pehle Allah Taala ne
mere dhyaan Surah Fatiha ki taraf kiya.
□ Aapne kabhi ghaur kiya hai?
Surah Fatiha ki 7 ayaat hain.
□ Pehli 3 ayaat:
♡ Bismillahir Rahmanir Raheem
♡ Alhamdulillahi Rabbil Aalameen
♡ Ar Rahmanir Raheem
♡ Maaliki Yawmid Deen
□ In 3 ayaaton ke andar Allah Taala ne
humein exact clear picture de di hai
ke kisse maangna hai.
☆ RABBIL AALAMEEN se maangna hai.
☆ Aalam nahi hai, AALAMEEN hai.
□Aur maze ki baat ye hai
ke Arbi mein jab "Aalameen" yani "een" lagta hai
kisi lafz ke baad
to wo 1 nahi, 2 nahi, 3 ya 3 se zyada ki mushahadat kar raha hota hai.
□ Aap us AALAMEEN ki baat kar rahe ho
jiska har cheez par control hai.
□ Ar Rahman aur Ar Raheem
Dekhiye Rahman phir bhi insaanon mein dikh sakta hai.
Raheem bohot mushkil hai.
Rahman koi bhi ho jata hai. Kisi ka dil pighal sakta hai.
Lekin Raheem wo hai jiske saath tum badsalooki karo
aur phir bhi apni fitrat se wo tumhare saath rahe.
□ Aur wo jo aakhri din hai
jis din sab ka hisaab hona hai...
□ Is waqt jis tarah Big Bang expand aur contract kar rahi hai
jab wo expansion contraction khatam ho jayegi
aur wapis ek nukte par pahunch jayegi
har cheez tabah hogi aur phir wapis shuru ki jayegi
■ Us din HAQEEQI BAADSHAH kaun hoga?
□ Dunya mein kitne logon ne dawa kiya
ke "main is jagah ka baadshah hun"
"main is jagah ka maalik hun"
Lekin wo HAQEEQI BAADSHAH sirf wahi hai.
□ IYAAKA NA'BUDU WA IYAAKA NASTA'EEN
□ Aap khoobsurti check kar rahe hain iski writing ki.
Aaj tak mere khayal se jitne logon ne bhi
is kitaab ko challenge kiya
uski jesi 1 ayaat nahi bana sake.
□ 3 ayaat mein saaf clear bata diya KHUDA kaun hai.
1 ayaat mein bataya ab karna kya hai:
♡ "TERI HI IBAADAT KARNI HAI AUR TUJHI SE MAANGNA HAI"
□ Aur aakhri 3 ayaat to mere khayal se
hum sab namaz mein parhte hain.
Sabko maloom hai:
■ "IHDINAS SIRATAL MUSTAQEEM
SIRATAL LAZEENA AN'AMTA ALAIHIM
GHAIRIL MAGHDOOBI ALAIHIM WALAD DAALLEEN"
□ Humein seedhe raste par chala
un logon ki raah par chala
jin par tera fazal hai, tera karam hai
jin par teri barkaat nazil hoti hain
balke un logon par nahi jo gumrah ho gaye.
□ Ek dafa aap is puri Surah ko Urdu mein bol ke to dekhen.
Hum bachpan se ise bolte aa rahe hain.
Maine apni zindagi mein 12-15 saal
ise bina samjhe bola.
Kabhi iska mujhe wo asar nahi dikha
jo ise ek dafa Urdu mein bolne se dekha.
□ Kyunki ek lafz samajh mein aaya.
Ek ek lafz jaa ke seene par laga.
□ "SOUND / FREQUENCY + CHAKRAS"
Aap mein se bohot log sawal kar rahe hain
ke 432 ki gehraiyon mein jao
528 ki gehraiyon mein jao.
□ Dekhen bohot simple karke batata hun.
Ye jo frequency ka system hai
ye ek tarah ki ancient technology hai.
□ Aur is technology ko har civilization ne
jo insaanon ki guzri hai istemal kiya hai.
Aaj bhi istemal ho rahi hai.
□ Agar aapko iski peak dekhni hai
ke ye kitni powerful hai
to aapko sirf Misr ya Egypt dekhne ki zaroorat hai.
□ Kyunki Egypt ke jo temples aur jo pyramids bane hue hain
wo unke Firaun ko rakhne ke liye nahi bane hue.
Wo AUDIO SOUND CHAMBERS hain.
□ Sound chamber se murad ye hai
ke agar usmein wo awaz halki si
kisi intensity par bajayi jaye
to goonjte goonjte goonjte
us awaz ki power 10 guna, 12 guna, 15 guna ho jayegi.
□ Aur agar aap us waqt us temple mein
us pyramid mein mojood ho gaye
to aapki body ko bhi wo
khud andaza laga lo na
hazaar guna, 15 hazaar guna, 2 laakh guna
zyada intensity se aapki body ko hit karegi.
□ Ab dekhiye aapki body is cheez ke liye designed nahi hai.
Warna Quran mein saaf saaf kaha jata
ke Allah Taala ki qurbat hasil karne ke liye
mausiki ko istemal karo, sound ko istemal karo,
frequency ko istemal karo. Aesa kahin nahi likha.
□ Ye zaroor bataya gaya hai
ke creation ke andar vibration
basic metal ki tarah hai, building blocks ki tarah hai.
□ Lekin agar tumhen Allah Taala tak pahunchna hai
agar tumhen apne maslon ka hal karna hai
to aapko Allah Taala se baat karni hogi.
Aur baat kaise karni hai?
♡♡♡ SABAR SE AUR NAMAZ SE.
□ Mujhe nahi maloom ye aapko pehle kisi ne bataya ya nahi bataya
lekin jab tak aap Surah Fatiha nahi parhoge
aapki namaz hi nahi hogi.
□ Kyunki Surah Fatiha ke naamon mein se 1 "Suratul Salah" hai.
☆"ASAL BAAT - ALLAH SE DIRECT CONNECTION"
Dekhiye mera itna experience nahi hai
na itni knowledge hai ke main aapko Quran ke bare mein bata sakun.
□ Lekin main itna zaroor bata sakta hun
main is waqt jahan baitha hun
usmein 70-80% meri knowledge
ab Quran se check ho kar aa rahi hoti hai.
□ 15-20% abhi bhi baqi hai aur main usko theek karne mein laga hua hun.
□Lekin agar aap log sound ya frequency ke zariye
apna ilaaj karna chah rahe hain
to ek baar us Indian Chakra system ke bare mein zaroor sun lijiye.
□ Ye taqreeban 3000-4000 saal purana system hai.
Is puri dunya mein aapko Yoga aur Chakra
kahin na kahin mil hi jayenge.
♡ American aur Canadian side par to
baqayeda Yoga centers ban chuke hain.
□ Dekhiye jese aapka jism hai na
isi tarah aapki ek Astral Body hai.
Yun samajh lein ke aapki body
jis bijli par chal rahi hai
us bijli ka bhi ek jism hai.
□ Aur us jism ko kisi chakra se bound nahi hona chahiye.
Ideal jism ye hai ke paani ki tarah
bijli upar neeche flow kar rahi ho.
□ To agar ye chakras ban rahe hain
iska matlab hai koi na koi rukawat hai.
Koi na koi khayal hai, koi na koi jazba hai
jo aapne apne andar daba ke rakha hua hai.
□ Dekhiye agar aap apne aap ko Allah se qareeb karna chahte ho na
to uske liye aapko kuch naya seekhne ki zaroorat nahi hai.
□ Balke pichli zindagi mein
is zindagi mein ab tak
jo kuch aapko dunya ne sikhaya
wo sab bhoolne ki zaroorat hai.
□ Jab ek bacha paida hota hai
to uske andar itni pakeezgi hoti hai.
Wo Allah se connected hota hai.
□ Lekin uske maa baap, uska school, uska mahol, uske dost
use majboor karte hain ke "nahi humse baat karo"
"Maslay ka hal karna hai to school mein jao"
"Allah ke paas ja kar kya karoge? Usko thori awaz aati hai"
Nauzubillah Nauzubillah.
□ Sunen is waqt dunya mein
jo sab se kamyab log hain na
aadhe se aadha waqt baith ke
wo khud se baatein karte hain.
Dekho kahan se kahan pahunche hue hain.
□ Elon Musk ye khud bolta hai.
□ To agar aap Allah par bharosa nahi kar sakte
to khud par bharosa karke dekhen.
□ Main guarantee karta hun
aapko Chakra system ya sound ki technology mein
ghusne ki zaroorat hi nahi padegi.
□ Kyunki Huzoor Sallallahu Alaihi Wasallam ki ummat
wo wahid ummat hai jis par Namaz farz ki gayi hai.
Aur aesi Namaz farz ki gayi hai
jesi Nabi parha karte the.
■ "LA ILAHA ILLALLAH + SUJDA"
Dekhiye is baat ko bari gehraayi se samjhiye.
□ Ek insaan ki fitrat hai
ke usko hamesha apne samne
koi na koi cheez chahiye hoti hai
taskalli dene ke liye.
□ Uski maa samne baithi hogi to sukoon mein hoga.
Uski gari samne park hogi to is yaqeen mein hoga
ke "haan main taraqqi kar raha hun".
□ Lekin sach batayiye
jab bhi aap kisi ek cheez ko hasil kar lete hain
to kisi aur cheez ki justaju nahi aa jati?
The next goal, the next gift, the next target.
□ Ye bilkul buri baat nahi hai.
Lekin agar aap sirf chahte ho
ke aapko bila wajah, bina kharche
bina kisi aur ki madad liye
har waqt sukoon aur khushi mehsoos ho
□ To aapko Quran ka kya...
aapko pehla Islam ka kalma
sacha sa dil se parhne ki zaroorat hai:
♡ "LA ILAHA ILLALLAH"
"There is no God"
Humne bohot saare khuda bana liye hain.
Unmein se koi bhi asli nahi hai.
♡ "ILLALLAH"
"Sivaye Allah ke"
□ Dekhiye aap logon ne alag alag sawal pooche.
Itne sawal pooche, itna pyaar diya
ke meri samajh nahi aaya main kya video banaun.
To is waqt main apna dil
aapko nikal ke de raha hun.
□ Main ek Musalman hun
aur main is waqt jahan baitha hun
sirf Allah ke fazal karam se baitha hun.
□ Main hairan hun ke pichle 7-8 din mein
mera channel jisko maine 12 saal se haath bhi nahi lagaya tha
hazaar subscribers cross kar chuka hai.
□ Yani main akela nahi hun
jo is justaju mein likha hua hai
ke
♡ "mujhe haq ki talash hai"♡
♡ "mujhe sach ki talash hai"♡
□ QURAN EK PORTAL HAI JI.
Quran ke andar portal nahi hai.
♡ Quran ka word hi "GUIDE" hai.
Aur portals ek tarah ki guidance hote hain.
Bohot advanced qism ki guidance
jo aapko aese raston par le ja sakte hain
jo aam dunya mein available nahi hote.
□ Ye mazhab aapko sikhata hai
ke aap har cheez par qadir ho sakte hain
agar aap Allah Taala se mohabbat karen.
□ Aur Allah Taala se mohabbat karne ki
sirf aur sirf 1 shart hai, 1 hi condition hai:
□ Jab Allah se mohabbat karen na
to koi dimagh mein image na banayen.
Kisi cheez par dependent na hon.
□ Allah Taala se mohabbat karne ke liye
na koi tasbeeh, na koi jaye namaz
na koi peer faqeel, na koi kitaab, na koi Kaaba.
♡ ALLAH HAR WAQT AAPKE SAATH HAI.♡
♡ AAPKE DIL MEIN MAUJOOD HAI.♡
Aap baat karke to dekho.
□ Hum baat nahi karte
aur phir bhi aapko lagta hai
ke "main Allah Taala se baat kar raha hun
wo sun nahi raha"
□ To phir wo karo jo Nabi Sallallahu Alaihi Wasallam karte the.
EK SUJDA TO KARO.
□ Medical science ke hisab se samjhen
aapki body bijli par chal rahi hai.
Aur sab se zyada charge upar develop ho jata hai.
□ Ek sujda aapne sahi se dil se kar diya
to aapki body ka jo negative charge hai
jitni negative thoughts hain
saara ka saara zameen mein chala jayega.
Physics mein isko "EATHING" kehte hain.
Kabhi aazma ke dekhiyega.
□ Lekin aaj kal to humne har waqt
plastic ke, rubber ke, chamray ke
ya kisi na kisi tarah ke polyester ki chaplein pehni hoti hain.
Hamara to pair hi isolated nahi hai ji.
Hamare dimagh mein itni negativity jama ho rahi hai
aur uske paas jagah hi nahi hai jaane ko.
□ Ek sujda karen.
Wo ek sujda aap shirk mein karoge na
to bhi aapko sukoon milega.
Lekin wo shirk ka sujda aap par ek limit laga dega.
Aapko baandh ke rakh dega ke
jitna aap visualize kar rahe ho
aapko utna hi milega.
□ To ek dafa Ar Rahman aur Ar Raheem se maang ke dekhen.
"AKHRI BAAT"
Mujhe lagta hai mere zyadatar vlogs
jo hain wo film making ki bajaye
Quran aur Hadees ki tareef mein hi nikal jayenge.
□ Kyunki main is waqt jahan baitha hun
Huzoor Sallallahu Alaihi Wasallam ki mohabbat
aur Allah ke fazal ki wajah se baitha hun.
□ Aapne mujhse Tesla ke bare mein poocha.
Aap log mujhse keh rahe ho psychedelics par baat karo.
Aap log keh rahe ho har jo cheez available hai us par baat karo.
Physics par baat karo, autonomy par baat karo.
□ Dekhiye Quran hidayat ki kitaab hai.
Jo hidayat aap mujhse maang rahe ho
wo aapko ye kitaab direct degi.
□Aapko us niyat se isko kholna hai
aur thora sa Arbi ko parhne ki koshish karen.
□Jo secrets hain na Quran ke
wo Arbi mein hain.
Aap usko jab bhi translate karoge
jese main agar translate karunga
to mera ek mind hai, mera ek film maker wala mindset hai.
Usko translate karunga main film ki narrative ki
lighting ki language mein karunga.
□Kyunki mujhe aata hi ye sab kuch hai.
Aur main jab Quran se baat karunga
to wo meri zubaan mein mujhse baat karega.
□Isliye jo sawal mujhse pooch rahe hain
ye sawal mujhse pooch ke
aap apne upar zulm na karen.
□Apne aap ko research ki aadat dalen.
□Mera jo actual vlog hai
usmein maine itni heavy editing kar di
ke mera dil hi nahi mana usko upload karna.
□Dil kiya main ek dafa aap logon se
do tok baat to kar lun.
□To ek baar phir is baat ko samjhen:
☆QURAN WO PORTAL HAI JISKI AAPKO ZAROORAT HAI.
□Aur is portal ko activate karne ke liye
aapko sirf 1 Surah parh ke
zameen par sujda karna hai.
□Sujda karen aur phir haath uthayen
aur Allah Taala se aese baat karen
jese apni maa se baat karte hain.
□Abhi socha hai jab maa samne baithi hoti hai
use kis tarah se baat ki ja rahi hoti hai?
Yahi Allah Taala ne bhi kaha hai
ke "Main 70 maaon se zyada pyaar karta hun"
□To Allah Taala se us tarah mango
jis tarah ek maa se manga jata hai.
Is chakkar mein na pado ke
□ "Khuda se darna hai"
♡ BALKE KHUDA SE MOHABBAT KAREN.
DAR KHUD BAKHUD AA JAYEGA.
Lagta hai na dar ke
□ "Amma ka dil na toot jaye"
□ "Amma ko koi aesi baat na pata lag jaye"
□ "Amma se chupa ke rakhna"
□ "Amma bohot dil par le leti hai"
□To socho wo KHUDA hai.
Tum Musalman to kya
tum agar insaan bhi nahi ho
tab bhi usne tumhen zinda rakha hua hai.
Aur tumko rozi roti...
bohot chota word ho jata hai...
aur tumhen jo de raha hai.
□Kisi insaan mein itni sakht nahi hai
ke ek saath Rahman aur Raheem ho sake.
To ek baar phir Surah Fatiha ko uthaiye.
□Jo 7 chakra, 8 chakra aapko Hinduism mein dikh rahe hain na
ye 1 Surah, 1 ek ayaat, 1 ek chakra ko fix karti hai.
□Root chakra ki frequency hoti hai 396.
Aapka jo... aap ye mujhse kyun pooch rahe hain?
Ek baar Google karen "Frequency for Chakras"
puri detail aapke paas aa jayegi.
Aur main aapko jaate jaate sirf itna kahunga:
□Jab aapke paas Islam jesa mazhab mojood hai
jab Allah Taala ne aapko ek aesi energy se mutaarif karaya hai
jo chakras kabhi pahunch hi nahi sakta
♡ JO MOHABBAT KI ENERGY HAI.
♡ JO BAQAYEDA EK FORCE FIELD KI TARAH HAI.
□Yaar agar aapne zindagi mein kabhi mohabbat ki hai na
to mere is vlog ko dil se dekhiyega, dimagh se nahi.
□Kyunki jab kisi se mohabbat ka connection banta hai na
to Quantum Mechanics bhi wahan fail ho jati hai.
□Main ab sochunga ke agla vlog
mujhe edit karke dalna hai ya aese baith ke baat karni hai.
Kyunki jab editing ke chakkar mein parta hun na
to ye wali taaseer nahi aati.
□ Baraye meharbani is vlog ko zara dil se dekhiye
aur batayiye:
♡ MUSALMAN KO ALLAH KE ALAWA
KISI PAR BHAROSA KARNE KI ZAROORAT HAI?
□ KHULASA:💎
"Quran Pak = Portal. Surah Fatiha = Key. Sujda + Dua = Connection. Allah se mohabbat = Asal Super Power
□ Kya kya cover hua is video 📹 me
□ 1. Intro. - 4 din late hone ka reason
□ 2. Super Power ka concept - Nafs ko marna, 100% power
□ 3. AI + Technology ka zamana
□ 4. Quran sab se advanced technology hai
□ 5. Surah Fatiha ki tafseel - 7 ayaat, 3+1+3 ka structure
□ 6. Sound/Frequency + Egypt ke pyramids
□ 7. Chakras vs Namaz + Sujda = Earthing
□ 8. La Ilaha Illallah ka concept
□ 9. Quran = Portal
□ 10. Allah se maaon jesi mohabbat se baat karo
1
1 comment
Vlog:3 Frequency of the Quran
powered by
skool.com/make-1k-5k-in-30-days-8449
Media Valley School is the fastest way to hit $1K/month with freelancing or agency work. Guaranteed.
Land your first $1K month in 30 days
Suggested communities
Powered by