5h • Notes 📝
Third Course Notes 2.2
Dil ke amraz rizq mein rukawat ka sab se bada sabab bante hain kyunke ghibat aur hasad se dimaag aur dil mein gandagi bhar jati hai jo Allah ke kawanin ko ghalat signals bhej kar naye darwaze band kar deti hai. Is mein teesri aankh ka concept samajhna zaroori hai jo hamare andar ke khayalat ko dekhti hai taake hum dusron ki kamyabi par unhein scammer samajhne ke bajaye apni niyat saaf rakhein aur ghalati hone par fauran maafi maang kar shukr ada karein.
Business mein barakah lane ke liye Sunnah par amal karna lazmi hai jaisa ke mazdoor ki mazdoori pasina sukhne se pehle dena aur client ya driver ko waqt se pehle tip dena taake wo khushi se kaam karein. Humein red flags ko kabhi ignore nahi karna chahiye kyunke ghalat aur be-namazi logon ke sath partnership hamesha bade financial loss ka sabab banti hai.
Rizq ke naye darwaze kholne ke liye nayi skills seekhna aur har milti hui opportunity ko ignorant mindset ke bajaye yes keh kar test karna chahiye. Nafs ki sharam ko khatam kar ke kaam maangne ke liye DM karna aur Tahajjud ke waqt dua maangna fitrat ke kawanin ke mutabiq raste asaan karta hai.
Istighfar sirf tasbih ratne ka naam nahi balkay apne specific gunaah ko chorne ka system banana hai aur namaz din mein panch martaba mental clarity aur emotional control ko reset karti hai taake decision making mein ego aur stress shamil na ho sake. Fajar ke baad sona rizq mein be-barakti lata hai is liye neend ko raat mein shift kar ke body ki efficiency barhani chahiye.
Jab aap dusron ka rozgaar lagane ki zimmedari lete hain toh Allah aapka naseeb khud-ba-khud khol deta hai is liye humesha ache naseeb wale logon se connect hona chahiye taake unki barakah aapke kaam mein bhi shamil ho jaye. Market mein khud ko sirf titles tak mahdood na karein balkay ek professional business person ban kar niklein jo logon ke masle hal kar ke unhein paisa bana kar deta hai kyunke jahan log shikayat karte hain asli profit wahi chhupa hota hai.
1
2 comments
Third Course Notes 2.2
powered by
skool.com/make-1k-5k-in-30-days-8449
Media Valley School is the fastest way to hit $1K/month with freelancing or agency work. Guaranteed.
Land your first $1K month in 30 days
Suggested communities
Powered by