6d • Daily Journal 📓
Day 7 | Daily journal | 7 July 2026✨
Assalamu Alaikum
• Kal Fajr ki namaz parhne ke baad thori dair drama dekha...phir so gayi.
• Subah 9 baje uthi...zikr kiya or phir dobara so gayi.
• 11 baje uth kar parhna shuru kiya... kyun ke aaj mera 2nd test tha.
• Ek lecture dekha or us ke notes sab ke sath share kiye.
• 12:50 par Sehar ki call aayi. Us ne kaha ke jaldi aa jao.. lekin us waqt main parathe bana rahi thi. Maine us se kaha ke tum chali jao or Baji ko bata dena ke main thori late aaungi.
• Main 1:30 par free hui . ready hui or Malaika ko call kiya ke woh gayi hai ya nahi. Phr Maine Us sy kaha KY Mujhy saat Ly kr Jana us ne kaha ke theek hai...main tumhein sath le jaungi.
• Main us ke ghar gayi. Uncle bike ka puncture lagwa rahe the...is liye 2 baj gaye.
• Maine Baji ko call karke sari situation batayi. Baji ne kaha ke late aa jana...lekin chhutti mat karna.
• Uncle aaye to hum Jamia gaye. Wahan lecture liye....test diya or Zuhar ki namaz bhi parhi.
• Alhamdulillah....aaj ka test acha hua. Ab dekhte hain result kaisa aata hai.
• 4 baje chhutti ho gayi.
• Ghar wapas aate waqt Malaika ne kaha ke us ki sister ki beti ko lene jana hai..to hum wahan gaye.
• Us ke baad woh mere ghar aayi. Mujhe bohot khushi hui. Hum ne sath khana khaya or pictures bhi lein.
• Phir barish shuru ho gayi. Main barish mein nahane ke liye chhat par chali gayi.
• Malaika apni keys mere ghar bhool gayi thi, is liye woh dobara aayi. Sehar bhi aa gayi.
• Hum ne mil kar bohot enjoy kiya...pictures or videos banayen. Jab tak aunty ki call nahi aayi...humny bohot maze karte rahe.
• Aaj ka din mere liye bohot hi special tha. Alhamdulillah. 🤍✨
• Jab wo ghar chale gaye to main fresh hui. •Tab tak Maghrib ki azan ho gayi thi aur meri Asar ki namaz miss ho gayi thi.
• Maine Maghrib ke baad Asar ki qaza namaz ada ki.
• Phir Mama ne kaha ke rotiyan banao. Hum dono ne mil kar pehle 5 rotiyan banayen.
• Mama or Api Golosari lene mall chali gayin...phir maine baqi 5 rotiyan bhi bana di. Hum aam tor par 10–12 rotiyan banate hain.
• Wazu karne ke baad maine dekha ke bhai bahar chale gaye hain.. to mujhe thora dar laga.
• Maine Sehar ko call ki or Isha ki namaz Pari
Or ghar ki safai ki.
• Hum dono video call par thay. Main apne ghar ki safai kar rahi thi aur Sehar apne ghar ki.
• Hamari call taqreeban 1 ghanta chali. Phir aunty ne Sehar ko bula liya.. is liye call band kar di.
• Main safai karti rahi or 11 baje tak safai mukammal ho gayi.
• Us ke baad maine zikr kiya.
• Phir lecture dekhe or notes share kiye.
• Us ke baad thori dair drama dekha aur ab apna daily journal likh rahi hoon.
• Ab Fajr ki azan hone wali hai. In Sha Allah namaz ada karke so jaungi..Q ke aaj main bohot thak gayi hoon.
Allah Hafiz ✨
11
0 comments
Day 7 | Daily journal | 7 July 2026✨
powered by
skool.com/make-1k-5k-in-30-days-8449
Media Valley School is the fastest way to hit $1K/month with freelancing or agency work. Guaranteed.
Land your first $1K month in 30 days
Suggested communities
Powered by