Day 3 | Daily journal | 3rd July 2026 · Make $1k-$10k in 30 days

Day 3 | Daily journal | 3rd July 2026

Assalamu Alaikum everyone! 🌸

Kiya hal hai aap sab Ka ?? aaj ka din bohat busy aur adventurous raha.

• Main Fajr ki namaz or zikr karke so gayi thi.

• Phir 10 baje uthi or ghar ki safai ki.

• Papa or bhai ke kapre iron kiye...kyun ke unhon ne Jummah ki namaz ke liye jana tha. Uske baad maine apne kapre bhi iron kiye...kyun ke mujhe Nimo ke ghar jana tha. Alhamdulillah... Mama maan gayi thi🎉

• Jab main ready ho rahi thi to cake wale ki call aa gayi or cake aa gaya.

• Phir Zuhr ki namaz padhi or 3 baje ke qareeb Nimo ke ghar ke liye nikal gayi.

• Raste mein maine Nimo ke liye flowers bhi liye. Yeh uske liye mera surprise tha...Orr ismein aunty aur Nimo ki sister ne meri help ki.

🥰 Jab main Nimo ke ghar pahunchi to woh bohat khush hui. Hum ne baatein ki... cake cut kiya aur gifts open kiye. Aunty aur api ka gift Nimo ne dekh..lekin shayad usse woh itna pasand nahi aaya kyun ke usmein cup aur glasses the.

• Phir hum ne khana khaya Orr bohat saari pictures aur videos banayi. Bohat maza aaya

• Lekin mujhe dukh hua ke meri Asr ki namaz miss ho gayi. Wahan azaan ki awaaz nahi aa rahi thi or maine time bhi check nahi kiya.

• Hum 6:30 baje wahan se nikle.. lekin ghar pahunchne se pehle ride cancel ho gayi.

• Hum 7:20 tak gali mein hi kharay rahe. Bohat garmi thi.

• Alhamdulillah..wahan ice cream wala aa gaya. Maine Feast ice cream li. Maine anti or api se bhi poocha tha.. lekin unhon ne mana kar diya.

• Mera internet bhi khatam ho gaya tha or ride mere phone se book hui thi.

• Allah ka shukr hai ke ek uncle ne apna internet share kar diya..jis ki wajah se hum dobara ride book kar sake.

• Aakhirkar ride mil gayi aur main 8 baje ghar pahunch gayi.

• Maghrib ki namaz bhi miss ho gayi... jis ka mujhe afsos hai.

• Ghar aayi to meri teesri wali apa aayi hui thi. Maine unhe aaj ka sara adventure sunaya. 😂

• Alhamdulillah...Allah ka bohat shukr hai ke ride mil gayi. Agar na milti to bohat mushkil ho jati.

• Apa ne bataya ke Mama bazaar jane se pehle keh kar gayi thi ke aata goondh kar rotiyan bana dena.

• Meri speed thori slow hai..isliye sirf 3 rotian hi bana saki. Gas bhi chal gai thi . Apa ne kaha ke itni kaafi hain..fikr ki baat nahi.

• Uske baad maine aaj ki videos apne status par lagayi.

• Mere phone ki battery sirf 2% reh gayi thi.

• Mai Sehar or Malaika se baat kar rahi thi. Maine Sehar se kaha ke mera phone rakhne ka dil nahi kar raha..lekin battery bohat kam hai. Usne kaha ke phone charging par laga do or baad mein use kar lena.

• Maine uski baat maan li or phone charging par laga diya.

• Phir maine Asr..Maghrib ki namaz qaza kr ky Isha ky sath padhi or zikr kiya.

• Khana khaya or family ke saath kuch waqt guzara.

• Uske baad maine socha ke lectures dekhne hain. Kal jo notes post nahi kar saki thi..woh post kiye aur 2 or topics ke notes bhi share kiye.

• Abhi time 2:43 AM ho raha hai or mai bohat thak gayi hoon. Aaj ke liye itna hi. In Sha Allah ..kal phir milte hain. 🤍

Allah Hafiz ✨

4 comments

Day 3 | Daily journal | 3rd July 2026