2h • Daily Journal 📓
Daily Journal - Busy but Blessed Day - 23 December 2025
- Aaj ka din bohat busy tha kyun ke main ne zyada time internships dhoondhne mein guzara. Semester break hai aur next year mera final year hai, is liye internship ab bohat zaroori ho gayi hai.
- Winter internships ke liye main ne 1–2 jagah apply kiya. Maine decide kiya hai ke jahan se pehla positive response aaye ga, wahin join karoon gi, InshaAllah.
- Main subah 6:40 am uthi aur Fajr namaz ada ki. Aaj thori late ho gayi thi, lekin phir bhi namaz parhi aur us ke baad dobara so gayi.
- 10:30 am main uthi aur apne aur apne bhai ke liye nashta banaya. Hum dono ne saath nashta kiya.
- Us ke baad main dobara internship search karne baith gayi. Ek dost ka message aaya jis ne ek jagah suggest ki jahan hum dono saath apply kar sakte thay. Wahan detailed application fill ki jo kaafi time le gayi.
- Phir ghar ki safai ki aur Zuhr namaz ada ki.
- Meri bhanji Zimal upar aa gayi, us ke saath thora time spend kiya aur enjoy kiya.
- Internship ke baare mein ghar walon se baat ki aur mashwara liya ke kya karna behtar rahe ga.
- Main ne Asr namaz parhi aur thori dair mein Maghrib ka time ho gaya, jo maine ada ki.
- Papa ke liye chai banayi aur khud bhi chai pi.
- Baad mein dost ka message aaya ke meri internship confirm ho gayi hai aur 29 December se start ho rahi hai. 1–2 din documentation ke liye jaana hoga. Maine Allah ka shukar ada kiya. Do haftay ki hai, lekin kuch na hone se behtar hai.
- Mujhe poora yaqeen hai ke jab banda khud par aur Allah par bharosa karta hai, to Allah zaroor koi raasta nikal deta hai.
- Isha namaz ke baad maine khana khaya aur phir remote jobs dhoondhne lagi.
- Kyun ke meri degree Biotechnology ki hai, is liye zyada tar jobs lab aur research based hoti hain, remote kam hoti hain. Lekin mujhe Canva achi tarah use karna aata hai, main students ko guide kar sakti hoon, 2 saal home tutoring ki hai, aur assignments ya education related queries mein achi help kar sakti hoon.
- Mera goal yeh hai ke final year ke saath saath online earning bhi start karoon taake main apni university ki fee khud pay kar sakoon.
- Meri dua hai ke Allah mujhe apne siwa kisi ka mohtaj na banaye.
- Poore din main community mein bhi active rahi. Logon se baat karna, unke masail sunna aur unhein simple tareeke se samjhana mujhe bohat acha lagta hai.
- Din ke end par maine Isha namaz ada ki aur phir apna daily journal likhne baith gayi.
- Or ab inshallah tahujjud parhkr sogi💫
1
0 comments
Daily Journal - Busy but Blessed Day - 23 December 2025
powered by
skool.com/make-1k-5k-in-30-days-8449
Media Valley School is the fastest way to hit $1K/month with freelancing or agency work. Guaranteed.
Land your first $1K month in 30 days
Suggested communities
Powered by