Бүтээгдэхүүн хөгжүүлэлтийн ажил хийж байсан, эсвэл над шиг бүтээлч зүйлд зүгээр л дуртай хүмүүс яг одоо миний мэдэрч байгаа мэдрэмжийг хамгийн сайн мэдэх байх... "Нэг ажлын ард гарах мэдрэмж..." Тэр ажилдаа зүрх сэтгэлээ зориулж бүх юмны ард гарах тэр л мэдрэмж үнэхээр гоё... Гэхдээ заримдаа амьдрал дээр хийсэн гэдгээ ч анзаарахгүй үе байх юм. Нэг л мэдэхэд хийгдчихсэн дахин өөр зүйлийг хүсэж байх жишээний... Өнөөдрийн өөртөө чиглэсэн үйлдэл: яг одоо би үүнийг хийж чадсан шүү гээд тунхаглаарай... Ингэхдээ энэ коммент-н доор хийсэн зүйдээ бардам тоочоод явчихвал бүүр сайн. Жишээ нь, Би өөрөөсөө эхэлье: Би өнгөрсөн сард эмэгтэйчүүдийн карьерийн багц гаргасан... Би өнгөрсөн сард АСТ гэх заслын олон улсын ассоциацад нэгдэж чадсан. Зөвхөн өнөөдрийн хувьд гэхэд л би бүлгэмдээ мэдээлэл оруулсан бас өглөө 8 минут дасгалаа хийж чадсан гэх мэт ккк... Одоо таны амжилтаар бахархъя та юу хийсэн бэ? Өглөө орноосоо боссон ч зарим хүндээ амжилт шүү... Амжилтын эрэмбэ хүн бүрт харилцан адилгүй ч амжилтаа тунхаглаарай...

12-р сарыг нэг л үгээр илэрхийлбэл "ИТГЭЛ НАЙДВАР" гэх энэ үг хамгийн тохиромжтой санагдаж байна. Хүн бүр ирэх жилийг амьдралынх нь хамгийн шилдэг сайхан бүтээмжтэй гээд эерэг бүхнээр л төсөөлж, зорилго зорилтуудаа бичнэ. Миний хувьд энэ сар бол "Гялс амжуулах сар" 🤣… Ер нь бодоод байхад хүн бүр л гялс хийчихье, гялс амжуулъя, гялс болгоё гэх хандлагаар амьдрах бус амь зуух мэт он цагийг өнгөрүүлж явдаг. Тэгвэл би өнөөдөр та бүхэндээ АСТ сэтгэл заслынхаа нэг техникийг зааж өгөх гэсэн юм. Тэр нь юу вэ хэмээвээс, "Мориныхоо хазаарыг тат" үнэндээ бол "Зангуугаа буулга" гэж нэрлэдэг л дээ... Миний хувьд Монгол хүнд бол хазаар гэх үгээр орлуулах нь зүйтэй санагдаж байна. Учир юу вэ гэвэл таны амьдрал яг л морьтой давхиж буй мэт хурдан байна гэх санаа. Өнөөдөр, яг одоо хазаараа татаад байгаа газраа ажиглаад үз. Юу өөрчлөгдөж байна, юу мэдэрч байна, юу сонсогдож үзэгдэж цаашлаад үнэртэй байна? Эцэст нь танд ямар мэдрэмж төрж байна? "Мэдрэмжээ сэрээж, мэдрэхүйгээ цочроох цаг иржээ!!!" Гадаа хүйтэн байна биш, хүйтэн байх танд ямар байна гэдгийг ухамсарлаж ойлгоорой... Ирэх он гарахаас өмнө зүгээр нэг шилдэг жилийг мөрөөдөх бус таны зөвхөн таны мэдрэхүйд юу таалагдах уу юу эс таалагдах билээ? Гэдгийг тунгаан бодож эдгээр мэдрэмжийн нийлбэрээс балансыг олох төлөвлөгөө бол таны хамгийн бодит төлөвлөгөө байх болно гэдгийг санаарай. Эцэст нь хэрхэн өөрийн үнэт зүйлсээрээ зорилго, төлөвлөгөө гаргахыг мэдэхгүй бол "Эмзэгхэн бүлгэмтэйгээ" хамт байгаарай. Биеэр уулзаж сургалтад хамрагдахыг хүсвэл миний үндсэн ажил болох "Карьер хөгжлийн төв" дээр энэ 12 сард би өөрөө эмэгтэйчүүддээ зориулсан 3 модуль сургалтаа зарласан байгаа шүү!