مساء الفل عليكو امبارح نزلت اجيب عينات القماش تعالو اشاركم اليوم واللي يستفيد يدعيلي دعوة حلوة كده اول اليوم بدء بنزوله للتربيعه اللي في الغورية بدايتها عند منزل كوبري الازهر هتبقي علي ايديكو اليمين اولا منصحكوش بهناك دلوقتي محدش نزل حاجه حلوه نهائي واللي موجود هناك شويه قطيفه ساده ومشجر وشويه ديربي بس خفيف شويه واسعارهم من ٧٥ ل ١٤٠ وروحت رمضان سند اللي لقيت كتير بيرشحوه برضو منزلش غير نوع ميلتون اسفنجي بس الضهر قطن مش مخلوط وده بيخلي الميلتون اخف من اللي ضهره مخلوط جبت منه عينه المتر عنده ب ٢٠٠ والكيلو ٣٢٠ بس المكان صعب جدا ومعرفش هل اما ينزلو الشتوي هيبقي في حاجات كويسه ولا لأ بس انا حسيت جسر السويس افضل وخدت بعضي نزلت علي جسر السويس تشكيل كبير بدء ينزل القطيفه والديربي منه انواع قطيفه وقماشه داخله فيها صوف مضلعه وفي صوف مكتكت وجوخ انواع في مصري وفي مستورد واسعارهم من اول ١٠٥ المتر ل ٢١٠ انا جبت عينه من نوع ابو ١٨٥ والقطاعي للعينه بيزيد ٣٠ جنيه علي المتر ومش كله بيدي عينات روحت ادور علي الميلتون الاسفنجي علون عنده ٣٤٠ جنيه الكيلو وعنده نوع اول مره ينزل ب٤٣٥ الكيلو بس كثافته اكتر وضهره انعم ومجبتش منه روحت عند cotton cany علبتكس ده اللي جبت منه نوعين الاسفنجي العادي ضهره مخلوط بس محترم والضهر في وبره كده بتطلع قالي بتروح بعد مرتين غسيل عشان بس تفهمو العملاء وده ب ٣١٠ ولو عاوزه عينه بيديكي حسب اللون المفتوح وييزيد ٢٥٪؜ علي سعر الكيلو وجبت نوع تاني داخل في بوليستر بس عندهم معالج ضد انه يوبر ده عجبني اكتر من الاسفنجي كمان بس هو اخف بس شكله احلي لو هتعملو سوت او بنطلونات وايد ليج ب ٢٣٠ الكيلو اسمها hp وعند جميع انواع الجبردين والحلو فيه الموديلات الجاهزه عنده بتاخدي منها افكار واللي يعجبك ممكن يوزنهولك هتعرفو بياخد كاك كيلو بالتقريب كده وممكن تصورو عادي الموديلات وتنفزوها لو عجباكو وبعدين روحت جبت فرو مستورد للجواكت والفيستات وده موجود في محلات كتيره اللي عالشارع جنب علبتكس الصف ده كله فيه حاجات حلوة والمتر بتاعه من ١٨٥ ل ٥٠٠ حسب نوعه والعرض في لغايه عرض ٢٤٠ سم وبعد كده النور قطع في المنطقه كلها وكان فاضل تلت ساعه ويقفلو فمشيت وهنزل تاني باذن الله هنزلكو كروت المحلات وصور القماش واي سؤال تحت امركو

شباب بشكل كبير اوي انا مبسوط من التصاميم الي مبعوتالي، مبين قد ايه الناس عملت ريسيرش ودي الحاجه الي انا كنت عايز اتطمن انها معموله بشكل صح. وبشكل اساسي طالب ده عشان الناس تبتعد عن التصاميم التقليديه المتداوله عشان فعلا تقدر تبيع. انا عارف ممكن يكون فيه تأخير شويه ف الرد، وده عشان انا براجع كل حاجه بشكل مانيوال، ف ده بياخد مني وقت كبير ورسايل كتيره بتتبعت طول الوقت. شكرا لتفهمكم

بالنسبه للدربي بتاع الهودي الاحسن دربي قطن ١٠٠ ٪؜ والا دربي ليكرا ٧٠٪؜

جماعه انا محتاجة اشتري چينز ، ممكن لو حد اشترى او بيشتري من مكان معين يرشحهولي ، لاني للاسف للاسف مش هقدر انزل الف وكده لاني عامله جراحة ف رجلي فصعب جداً انزل بنفسي ادور ♥️

مساء الخير هابتدى ان شاء الله براند ملابس للسيدات كلاسيك وفورمال ممكن تساعدوني مين فى الاسمين احلى وافضل احساس البراند اللى هيوصل للجمهور الاناقة والرقى ببساطة بيظهر قوتك وثقتك بنفسك