Assalam-o-Alaikum comunity members Abhi online market me Graphic Design ki kaafi services trending par chal rahi hain. Agar aap freelancing ya online earning start karna chahte ho to in services par focus karein: • Logo & Branding Design • Social Media Posts / Thumbnails / Banners • Canva & AI-based Designs • Animation / Motion Graphics • 3D Product Mockups & Designs • UI/UX & Website Graphics • Presentation & Infographic Design In services ki demand Fiverr, Upwork aur online clients me bohat zyada hai. Agar skill ke sath consistency rakhi jaye to achi earning possible hai. Shukriya 🤍

Alhamdulillah 🤍 Aaj main ne “How to Select Your Niche / Services” wali class li, aur is class ne mujhe bohot clarity de di. Mujhe samajh aa gaya hai ke 2026 me mujhe graphics designing ke andar ek trending skill select karni chahiye, sirf sab kuch thora thora karne ke bajaye. Harron Bhai ki guidance ne meri soch ko bohot clear kar diya. Unka samjhana bohot simple, honest aur Islam ke perspective se hota hai, jo dil ko bhi lagta hai aur dimagh ko bhi. Main Allah ka bohot shukar guzar hoon ke mujhe aise mentor aur aisi community mili. Ab mera focus hai ke ek skill ko depth me seekhun, us par mehnat karun, practice karun, aur InshaAllah 2026 me usi skill me grow karun. Allah Ta’ala se dua hai ke mujhe sahi decisions lene ki samajh de, meri mehnat me barkat daale, aur mujhe consistency ata farmaye 🤲✨

Assalam-o-Alaikum, Mera naam Fawad Hussain hai. Main Graphics Designer hoon aur filhaal ek company me kaam kar raha hoon jahan main monthly 20,000 PKR earn karta hoon. Main pichle 2 saal se graphics designing kar raha hoon (logo design, brand identity aur social media posts), aur sath sath freelancing seekh raha hoon. Main ne pichle 3 mahine se apni poori salary save ki hai, taake main apni learning ko next level par le ja sakoon. Mera goal hai ke main freelancing me strong banun aur future me apne ghar walon ka sahara ban sakoon. Main sincerely guidance chahta hoon ke kya mujhe apni current job continue rakhni chahiye ya kuch time ke liye sirf learning par focus karna chahiye, taake main apni skills ko aur behtar bana sakoon.

🌅 Namaz & Spiritual Reflection Kal main sirf Zohar aur Isha ki namaz ada kar saka 🤲 Is baat ka dil me ehsaas hai ke namaz meri zindagi ka sab se important hissa hai, aur InshaAllah dheere dheere isko aur strong karna hai. 🧑‍💻 Office Routine Kal main subah office gaya aur shaam 7 baje jaldi wapas aa gaya 🕖 Is se mujhe thora zyada waqt mila khud ke liye aur seekhne ke liye. 🎥 Learning & Harron Bhai’s Class Ghar aakar main Harron Bhai ki videos dekhne baith gaya 📱✨ Shaam 8 baje baitha, aur raat 1 baj gayi — pata hi nahi chala 😅 Videos bohot engaging, meaningful aur knowledge se bhari hoti hain. Unki baatein sirf freelancing hi nahi, balkay Islamic understanding aur motivation bhi deti hain 🤍 Is waqt mujhe yeh bhi realize hua ke time management par aur focus karna hai, taake learning bhi ho aur routine bhi balanced rahe, InshaAllah. 🍽️ Dinner & Personal Time Beech me simple dinner kiya 🍛 Aur Allah ka shukar ada kiya ke rizq, sehat aur seekhne ka mauqa diya.