Main ne suna hai ke jab bhi Quran parho to yeh samjho ke Allah tum se baat kar raha hai — aaj maine is ko khud par implement karke dekha

Aaj maine Quran ki ek ayat parhi (Surah Maidah 5:110).

Tarjuma:

"Jab Allah farmayega: Ae Isa ibn Maryam! Mere un ehsanaat ko yaad karo jo maine tum par aur tumhari walida par kiye. Jab maine Ruh-ul-Qudus (Jibraeel) se tumhari madad ki, tum logon se goday (jhoolay) mein bhi baat karte thay aur badi umar mein bhi. Aur jab maine tumhein kitab, hikmat, Taurat aur Injeel sikhayi. Aur jab tum mere hukum se mitti ka parinda banate phir us mein phoonk marte to woh mere hukum se urhnay lagta. Aur tum mere hukum se paidaishi andhay aur bars ke mareez ko theek kar dete. Aur jab tum mere hukum se murdon ko zinda karke nikaal khara kar dete. Aur jab maine Bani Israel ko tum se roka jab tum unke paas khuli nishaniyan le kar aaye, to un mein se jo kafir thay unhon ne kaha: yeh to khula jadoo hai."

Phir maine is ayat ko khud par apply karke dekha…

Mujhe aisa laga jaise Allah mujh se keh raha ho:

"Ae Taha, mere ehsanaat yaad karo…"

Phir maine apni zindagi ko dekha…

Main theek hoon, meri family theek hai — yeh Allah ka ehsaan hai

Main sehatmand hoon — kitne log bimariyon mein hain

Mujhe parhna likhna aata hai — yeh bhi Allah ki ni‘mat hai

Main apna kaam karta hoon, customers aate hain — yeh sab Allah ke hukum se hota hai

Aur phir ek aur cheez samajh aayi…

Kabhi kabhi nafs kehta hai: "yeh sab tum ne kiya hai"

Lekin haqeeqat yeh hai ke sab Allah ki taraf se hai

Aaj maine yeh seekha: