Bid Karte Waqt Apna Experience Nahi, Client Ka Pain Point Becho

Dekho yaar, jab bhi hum kisi project par bid ya proposal dalte hain na, to sab se bari ghalti yeh karte hain ke apne baare mein likhna shuru kar dete hain —

“Main itna experienced hoon”,

“Mere paas 5–10 saal ka experience hai”,

“Main bohat zabardast developer / designer hoon” etc.

Lekin sach yeh hai ke client ko is cheez se koi farq nahi parta.

Client yeh nahi dekh raha ke tum kaun ho,

client yeh dekh raha hai ke uski problem ka solution kaun de sakta hai.

Jab koi client project post karta hai, to us ke peeche koi na koi pain point zaroor hota hai.

Us ne wo proposal bina wajah ke nahi dala hota.

Us ko koi masla hota hai, koi tension hoti hai, koi requirement hoti hai — aur wahi us ka pain point hota hai.

👉 Hamara sab se pehla kaam yeh hona chahiye ke

client ka pain point samjhein.

Chahe wo

• development ka project ho

• design ka kaam ho

• ya koi bhi service ho

Humein yeh dekhna hota hai ke project description mein client ne kaun kaun se maslay mention kiye hain, aur main un mein se kaun se maslay solve kar sakta hoon.

Proposal mein yeh likhne ki zarurat nahi hai ke

“Main duniya ka best developer hoon”

“Mere jaisa designer kahin nahi milega.”

Balkay yeh likho:

✔️ Main ne aap ka masla samajh liya hai

✔️ Yeh aap ke liye kyun important hai

✔️ Aur main isay kaise solve karunga

Jab client ko lage ke

“Is bande ne meri problem waqai samajh li hai”,

to seedha us ka dil aur dimaagh dono connect ho jata hai.

Yahi sahi tareeqa hai bid karne ka.

Taake client ko lage