Dit is daardie tyd van die jaar. Die besigheid is stil. Die DM’s kom nie. Die verkope kom stadiger. En dit is so maklik om te begin dink: Doen ek iets verkeerd? Moet ek ophou? Is ek goed genoeg hiervoor? Ek wil vandag net een ding vir jou sê: ‘n stil seisoen is nie dieselfde as ‘n mislukking nie. Soms is dit net ‘n tyd van die jaar. Soms is dit ‘n tyd om te stop en te kyk wat werklik werk. En soms is dit ‘n tyd om net te rus, jou fokus terug te kry en met nuwe krag voort te gaan. 📖 Galasiërs 6:9 Laat ons dan nie moeg word om goed te doen nie, want as ons nie verslap nie, sal ons op die bestemde tyd ook die oes insamel. Dit herinner my dat ons nie moeg hoef te word van goeie werk nie, want daar is ‘n tyd vir saai en ‘n tyd vir maai, en ons sien nie altyd die oes terwyl ons nog saai nie. Hier is drie klein dinge wat ek vir myself doen wanneer ek moedeloos raak: 1️⃣ Ek kies een ding vir vandag. Een post, een gesprek, een opvolg. Nie die hele lys nie. 2️⃣ Ek hou op om myself met ander te vergelyk. Wat hulle wys, is net die hoogtepunte. 3️⃣ Ek praat eers met God, dan met die wêreld. Dit gee my ‘n helderder kop as om net harder te probeer. Ek belowe nie dat dit alles gaan verander nie, en ek sê nie jy hoef nie hard te werk nie. Maar jy is nie alleen nie, en jy is nie agter nie. 🤍 Kom deel gerus: waar voel jy tans die moeg-ste in jou besigheid? Jy hoef nie ‘n oplossing te hê nie, net skryf. Ons lees saam. ❤️

Ek sien soveel van julle sukkel met jul video’s, en dit is moeilik om te weet wat om te verander. Was dit die eerste sin? Die onderwerp? Die einde? So ek het twee gratis dinge vir julle gemaak wat saamwerk: 1️⃣ ‘n Prompt wat jy in ChatGPT, Claude of Gemini kan plak. Dit lees eers jou syfers, sê waar jou kykers wegval, en kyk dan na jou hook, boodskap en CTA. Jy kry een ding om eerste te verander en ‘n 7-dae-toets. 2️⃣ ‘n Toetsblad waar jy 3 weergawes van ‘n video kan vergelyk: https://videotoetsblad.netlify.app/ Hoe dit werk: ✨ Haal jou syfers uit jou video se Analytics (kyktyd, wegvalplek, persentasie wat tot die einde kyk). Dit vereis gewoonlik ‘n Creator- of Business-rekening. ✨ Skryf neer wat jy in die eerste 5 sekondes sê. ✨ Vul die prompt in en plak dit in jou AI-hulpmiddel. ✨ Maak 3 weergawes van die video met net een ding anders, en vergelyk dit in die toetsblad. 👉 Die prompt is in die kommentaar hieronder. 👇 As jy jou video ook oplaai: 🎥 Die meeste AI-hulpmiddels kan nie die klank hoor nie. Maak seker daar is teks op die skerm, veral in die eerste paar sekondes. 🎥 Instagram se Edits-app het onderskrifte, maar kyk dit na, want dit maak soms foute in Afrikaans. 🎥 Plak steeds die woorde van die eerste 5 sekondes in die prompt. Onthou asseblief: dit is ‘n raad, nie ‘n waarheid nie. Dit kan nie jou stem, toon of die algoritme sien nie, en een video is ‘n klein monster. Dit belowe geen verkope nie. 🤍 Kom deel gerus: by watter sekonde het jou kykers wegbeweeg, en wat gaan jy probeer verander? (Wil jy eers sien waar om te begin kyk? Doen die gratis quiz: https://waarhaakditvas.netlify.app)

Ek het die afgelope tyd aan ‘n paar gratis hulpmiddels gewerk (die quiz, die video-toetsblad en die prompts), en ek werk nog aan iets groter. Maar ek wil nie raai wat julle nodig het nie. So ek vra een eenvoudige ding, en julle hoef nie ‘n letter te kies nie. Skryf net in julle eie woorde: Waarmee sukkel jy tans die meeste in jou besigheid of content? En wat het jy reeds probeer? Dit hoef nie mooi of volledig te wees nie. Selfs een of twee sinne help. Skryf soos jy dit vir ‘n vriendin sou sê, byvoorbeeld: 💬 “Ek weet nie wat om te sê as iemand vra hoeveel dit kos nie.” 💬 “Ek post elke dag en niks gebeur nie.” 💬 “Ek weet nie waar om te begin nie.” Ek lees elke antwoord en ek gaan so veel as moontlik daarop reageer. Ek gebruik wat julle sê om dinge te bou wat julle werklik gaan gebruik, nie net nog ‘n lys nie. Jy hoef niks te koop nie en ek verkoop niks met hierdie post nie. Ek wil net luister. ❤️ (As jy nie in die kommentaar wil skryf nie, kan jy my in ‘n privaat boodskap stuur.)

https://latashaduplooy.com/main-room-recording