‫شفت feature حلوة بتطبيق وقلت بقلبك: "كيف عاملينها؟"‬ ‫اليوم بدي أحكيلكم عن شاركنا اياها مشكور الاخ عبدالله @Abdullah Ali وما قدرت أمرّ عنها.‬ ‫‬ ‫اسمها REA: Reverse Engineer Anything. https://github.com/morluto/rea‬ ‫‬ ‫باختصار: MCP server بتوصّله بالـ agent تبعك (Claude Code أو Codex أو Cursor)، وبتصير تقدر تحكيله:‬ ‫"افهم كيف الـ search شغّال بتطبيق Notes، ورجّعلي الدليل، وابنيلي feature مشابهة بمشروعي."‬ ‫‬ ‫هو بيفتح التطبيق بدون source code، بيتتبّع الكود، بيشرحلك كيف الـ feature شغّالة، بيعطيك evidence لكل استنتاج، وبعدها الـ agent بيبنيها بمشروعك.‬ ‫‬ ‫شو بيقدر يحلّل؟‬ ‫مواقع web، تطبيقات JavaScript و Electron، تطبيقات Android، native binaries، وغيرها. التحليل كله local على جهازك. Open source برخصة MIT، وفوق 235 ألف نجمة على GitHub، يعني مش tool تجريبية.‬ ‫‬ ‫للي بده يجرّب: npx rea-agents setup وبعدها restart للـ agent. تحليل الـ web والـ JavaScript ما بده أي شي إضافي، الـ native binaries بدها Hopper أو Ghidra.‬ ‫‬ ‫ليش مهتم فيها؟‬ ‫عم بستكشف كيف ممكن نستفيد منها بتطوير الـ MicroSaaS OS، بثلاث محطات:‬ ‫‬ ‫توليد الأفكار وتقييمها: بدل ما نخمّن شو عامل المنافس، نحلّل product موجود ونعرف بالضبط شو بيعمل وشو ناقصه. الـ gap بتصير مبنية على دليل، مش على انطباع.‬ ‫تسليم المتطلبات: بدل ما تكتب للمبرمج "بدي شي زي اللي عندهم"، بتطلع بـ BRD فيه السلوك الفعلي للـ feature، مش وصف من برّا.‬ ‫البرمجة: الـ agent بيوصل لمرحلة الكود وهو فاهم كيف الشي شغّال فعلاً، مش بيخترع من الصفر.‬ ‫‬ ‫نقطة لازم تكون واضحة من البداية: الأداة لفهم كيف feature شغّالة، مش لنسخ منتج حدا أو سحب كوده. الـ agent بيبني نسخة خاصة فيك من الفكرة. الفهم مسموح، النسخ لا.‬ ‫‬ ‫رح أشارككم شو بنتعلّم وشو بزبط معنا، وشو ما بزبط كمان.‬ ‫‬ ‫سؤالي إلكم: في feature بتطبيق بتستخدموه كل يوم وبتتمنوا تعرفوا كيف مبنية؟ اكتبوها بالتعليقات، ممكن تكون أول تجربة نعملها قدامكم.‬

يعطيكم العافية جميعاً كل تحديث بصير من كلود في الاونة الاخيرة، بعزز فكرة انو القيمة عم تنتقل من الموديل للهارنس اكثر فاكثر. القيمة بنظام التتشغل اللي ببنيه حول هاي الموديل، وبخلّي استخدامها سهل وقابل للتكرار. ميزتين جداد. فعلياً همة نظام تشغيل فقط 🎬 Claude Motion بتوصف الفكرة اللي ببالك، وبيحوّلها لأنيميشن فيديو. بحسب الشرح، بتكتب /motion بالمحادثة، وبيسألك كم سؤال عشان يفهم المطلوب، وبعدها بيبدأ يبني. رح اشاركم تجربتي و الخطوات الاربعة لتطلع بنتائج عالية الجودة لاحقاً 📊 Claude Dashboards بترفع ملف بيانات أو بتربط مصدر البيانات، وبتطلب منه يعمل لوحة تساعدك تفهم الأرقام. نقطة عجبتني: بدل ما تطلب «اعملي رسم بياني»، اسأله السؤال اللي بدك تعرف جوابه. مثلاً: «هاي بيانات المبيعات. بدي أفهم أي قناة جابت عملاء أكثر، وأي قناة جابت إيرادات أعلى، ووين لازم أركّز الشهر الجاي. إذا ناقصك إشي، اسألني قبل ما تبدأ.» هيك بتربط الشغل بقرار فعلي بدك تاخده. بس هون الفكرة الأهم، وهاي مرتبطة بلعبة انظمة التشغل بالذكاء الاصطناعي. كنا نقدر نعمل الأنيميشن والداشبوردز من قبل. الفرق إنه هلا القدرة صارت مغلّفة بنظام تشغيل مرتب ومصقول، بخطوات واضحة وتجربة أسهل، بدل ما إنت تجمع الأدوات وتبني طريقة الشغل من الصفر كل مرة.

‫معظم الناس بتفتح أقوى موديل بالسوق، بتكتبله سطرين، وبتحكم عليه من الرد الأول. وبعدها بتقول: عادي، زي غيره.‬ ‫‬ ‫الموديل بيعطيك عمق بقد ما بتعطيه عمق. إذا دخّلت سطرين، بيطلعلك سطرين.‬ ‫‬ ‫جهّزتلكم خطة ٢٠ دقيقة. جرّبوها مرة وحدة بس، وبتحسّوا الفرق بنفسكم.‬ ‫‬ ‫الدقيقة ٠: ابدأ نظيف افتح Settings وطفّي كل إشي إلا Connectors. بلا تعليمات مخصصة، بلا مجلدات. الـ context المحفوظ الكثير بيخلّي Claude يعيد نفس أفكاره القديمة. أول تجربة لازم تكون على صفحة بيضا.‬ ‫‬ ‫الدقيقة ١: سلّح الموديل روح على claude.ai، افتح قائمة الموديلات، اختار Fable 5، وحدّد الـ Effort على High. خطوة بتاخد ١٠ ثواني، وبتغيّر نص النتيجة.‬ ‫‬ ‫الدقيقة ٢: فوّض بدل ما تملي بدل ما تعطيه مهمة، اعطيه صلاحية. الصقله هاد البرومبت: «اسألني عن شغلي اليومي وشو بتابع بدماغي، وبعدها ابنيلي أداة صغيرة تفاعلية بستخدمها كل أسبوع. انت اختار الفكرة، وخلّيها تطلع بمستوى احترافي.» لاحظ إنك ما حدّدتله شو يبني. هو اللي بيقرر.‬ ‫‬ ‫الدقيقة ٣: خلّيه يقابلك رح يبلّش يسألك. جاوب على كل سؤال بسطرين بس، بلا فلسفة. هون بينقلب الدور: هو بيسأل وانت بتجاوب. هاي أهم لحظة بالتمرين كله.‬ ‫‬ ‫الدقيقة ٥: راقب الـ Artifact بتفتح نافذة على اليمين، وبتشوف Claude يكتب برنامج شغّال قدامك، مباشر. طلّعت أداة بدون ما تكتب سطر كود واحد.‬ ‫‬ ‫الدقيقة ٨: كرّر مثل ما بتحكي مع زميل كلّمه عادي: خلّيها dark mode، ضيفلي عمود المجموع. وممنوع تعيد البرومبت من الصفر. كل مرة بتبدأ من جديد، بترمي كل الـ context اللي بنيته معه.‬ ‫‬ ‫الدقيقة ١٠: علّمه صوتك افتح محادثة جديدة. الصقله تلات نصوص كتبتهم بنفسك، وفكرة مسودة جديدة، وقلّه: اكتبها بأسلوبي. كل ما تدخّل context أكثر عن حالك، بتقلّ الحاجة للبرومبت الطويل بعدين.‬ ‫‬ ‫الدقيقة ١١: اعطيه مشكلة، وليس مهمة المهمة: «اكتبلي إيميل متابعة». المشكلة: «عندي عميل ساكت من ٣ أسابيع، الميزانية موافق عليها، والقرار معلّق عند المدير المالي. بدي أرجع أفتح الموضوع بدون ما أبيّن ملحاح.» واختم دايماً بـ: «قبل ما تبدأ، اسألني كل اللي بتحتاجه عشان تطلّعها صح.»‬ ‫‬ ‫الدقيقة ١٥: احسّ الفرق نفس الموديل بالضبط. مع برومبت سطرين بيطلعلك مثل أي AI. مع مشكلة حقيقية وصلاحية قرار بيطلعلك بمستوى ثاني تماماً. العمق اللي بتدخّله هو العمق اللي بيرجعلك.‬

‫خريطة Claude الكاملة: ٢٥ سطح، الغالبية بتعرف واحد‬ ‫‬ ‫قبل ما أفرجيك الخريطة، خليني أحكيلك ليش معظم الناس واقفين عند سطح واحد.‬ ‫‬ ‫ChatGPT هو اللي عرّف العالم على الذكاء الاصطناعي، وعرّفه بشكل وحيد: مربّع شات. تكتب سؤال، بيرجعلك نص. صارت هاي نقطة المرجع عند الكل، وكل أداة إجت بعدها انقاست عليها. لما إجا Claude، الناس فتحوه بنفس العقلية: مربّع شات أحسن شوي.‬ ‫‬ ‫Claude بيشتغل بوضع تاني: operator. بتعطيه ملفات، أدوات، صلاحيات، وتعليمات ثابتة، وبينفّذ شغل كامل لحاله: بيقرأ، بيكتب، بيشغّل كود، بيربط أدواتك ببعض، وبيرجعلك مخرجات جاهزة. الشات هو أصغر جزء من الصورة.‬ ‫‬ ‫عشان هيك الخريطة مهمة. هاي الـ٢٥ سطح، مقسّمة ٥ مجموعات. مش لازم تحفظها، بس لازم تعرف إنها موجودة.‬ ‫‬ ‫١. المنتجات الأساسية (وين بتشتغل): Chat هي البداية: ردود سريعة ومهام بسيطة، وهون بيقعد ٩٩٪ من الناس. Projects هي Chat مع ذاكرة: بترفع ملفاتك وتعليماتك مرة وبتتذكرها بكل محادثة. Cowork هي Project زائد كمبيوتر: بيقرأ ملفاتك، بيكتب مستندات، وبينفّذ مهام كاملة بمساحة سحابية. Claude Code للـ developers، بيشتغل من الـ terminal.‬ ‫‬ ‫٢. الخصائص (شو بيقدر يعمل): Extended Thinking بتخليه يفكّر قبل ما يجاوب، شغّلها لأي إشي صعب. AskUserQuestion بدل ما يخمّن، بيسألك أول بأزرار بتضغط عليها. الـ Skills والـ Skill Creator تعليمات جاهزة بتشتغل تلقائي حسب المهمة. وفي Memory، Scheduled Tasks، Computer Use: بيتذكر عبر الجلسات، بيشتغل بوقت محدد بالسحابة، وبيتحكم بجهازك.‬ ‫‬ ‫٣. الإعداد والملفات (دماغه): Global Instructions تعليمات ثابتة بيقرأها قبل كل مهمة، حدّدها مرة وبتشتغل للأبد. والـ Context Files وملف about-me.md: كل ما تكتب عن نفسك وشغلك بملفات، بتقلّل البرومبت اللي بتحتاجه بعدين. ملف واحد منيح أحسن من ٥٠ ملف عشوائي. هون بالضبط بيتحوّل Claude من شات لـ operator.‬ ‫‬ ‫٤. الموديلات (مين بينفّذ): Fable للتخطيط والتوجيه، Opus للشغل الثقيل عالي القيمة، Sonnet للشغل الميكانيكي المتكرر. والـ Model Routing قاعدة بسيطة: موديل واحد لكل إشي = خسارة، طابق الموديل مع المهمة.‬ ‫‬ ‫٥. أدوات خارجية (وصلاته بالعالم): Connectors بتربطه بـ Slack، Gmail، Drive، Notion. Plugins حزم جاهزة بتثبيت واحد. والـ n8n والـ Gamma للأتمتة وتصميم العروض.‬

@Sukaina Amin @Hayat Mansour ‫**بناء على طلب حياة و سكينة**‬ ‫‬ ‫‏الذكاء الاصطناعي للجميع: من الفكرة الأولى لفريقك الهندسي‬ ‫‬ ‫‏كل يوم بيطلع مصطلح جديد: AI و Machine Learning و Neural Networks و LLM و Transformers. وأغلب الناس بتستخدمهم كأنهم نفس الشي. مش نفس الشي. هم دوائر، كل وحدة جوّا التانية. خليني أفككهم من الأكبر للأصغر، وبعدين أوصلك للحظة اللي إحنا فيها اليوم.‬ ‫‬ ‫⸻‬ ‫‏1. شو هو الذكاء الاصطناعي AI؟‬ ‫‏الدايرة الأكبر. أي نظام بيعمل مهمة كانت بتحتاج ذكاء إنساني: يفهم لغة، يميّز صورة، ياخد قرار.‬ ‫‏لعقود، الطريقة كانت قواعد مكتوبة يدوياً: إذا صار كذا، اعمل كذا. آلاف الأسطر من if و else.‬ ‫‏المشكلة؟ الواقع أعقد من أي قائمة قواعد. ما بتقدر تكتب قاعدة لكل احتمال.‬ ‫‬ ‫⸻‬ ‫‏2. شو هو الـ Machine Learning؟‬ ‫‏دايرة جوّا الـ AI. الفكرة انقلبت: بدل ما تكتب القواعد للآلة، خلّي الآلة تستخرج القواعد من البيانات.‬ ‫‏مثال: فلتر الـ spam بإيميلك. ما حدا كتبله قاعدة لكل رسالة مزعجة. أعطوه ملايين الرسائل معلّمة spam أو مش spam، وهو تعلّم النمط لحاله.‬ ‫‏هون صار الذكاء بيتعلم بدل ما ينبرمج.‬ ‫‬ ‫⸻‬ ‫‏3. شو هي الـ Neural Networks؟‬ ‫‏دايرة جوّا الـ Machine Learning. طريقة تعلّم مستوحاة من دماغك: ملايين الوصلات الصغيرة، كل وحدة بتحمل وزن، والشبكة بتعدّل الأوزان مع كل مثال بتشوفه.‬ ‫‏لما الشبكة بتصير عميقة بطبقات كثيرة، بنسميها Deep Learning. وهاي اللي فتحت الباب لتمييز الصور والصوت والكلام بمستوى قريب من الإنسان.‬ ‫‬ ‫⸻‬ ‫‏4. شو هو الـ LLM؟‬ ‫‏الدايرة الأصغر، وأشهر ساكن فيها اليوم. الـ Large Language Model هو neural network عملاقة تدربت على كمية هائلة من النصوص، ومهمتها الأساسية بسيطة بشكل مضحك: توقّع الكلمة الجاية.‬ ‫‏بس لما بتوقّع الكلمة الجاية صح مليارات المرات، بيطلع من التوقع شي بيشبه الفهم: تلخيص، ترجمة، برمجة، تحليل.‬ ‫‏الذكاء طلع من الحجم، مش من قواعد مكتوبة.‬ ‫‬ ‫⸻‬ ‫‏5. الـ Transformer: اللحظة اللي غيّرت كل شي‬ ‫‏سنة 2017، ورقة بحثية من Google عنوانها Attention Is All You Need قدّمت معمارية اسمها الـ Transformer.‬ ‫‏قبلها، النماذج كانت تقرا النص كلمة كلمة بالترتيب، بطيئة، وبتنسى بداية الجملة قبل ما توصل آخرها.‬