1d • محادثات عامة
أنت ليش تتعلم الذكاء الاصطناعي 🤔 ؟
خلوني أشارككم شي من تجربتي، ويمكن يخلي بعضكم يعيد التفكير في الهدف من تعلم الذكاء الاصطناعي.
أنا شخصياً لما بدأت أتعلم الذكاء الاصطناعي كان عندي ثلاث أهداف، أولها إني أحصل على فرصة وظيفية أفضل، وثاني شي إني أزيد دخلي، وثالث شي إني أقدر أشتغل مع شركات وأحصل على عملاء.
والحمدلله اليوم أقدر أقول إني حققت الثلاثة.
حصلت على فرصة أكون شريك في تطبيق تقني متخصص في المجال الرياضي ويستخدم الذكاء الاصطناعي، وبرضوا بدأت أقدم دورات تعليمية وصارت مصدر دخل إضافي لي، غير المشاريع الجانبية اللي اشتغلت عليها مع شركات وأفراد.
لكن ليش أقولكم الكلام هذا؟
لأن الصراحة أشوف ناس كثير تدخل مجال الذكاء الاصطناعي وتبدأ تتعلم كل أداة جديدة تطلع، وكل يوم دورة جديدة، لكن لو سألته أنت ليش تتعلم؟ ما عنده إجابة واضحة.
ومو شرط يكون هدفك نفس هدفي، يمكن أنت موظف وتبغى ترقية، أو عندك مشروع وتبغى تطوره، أو حتى تبغى توفر وقتك في شغلك اليومي.
اللي أبغى أوصله إنك قبل تبدأ تتعلم، اسأل نفسك إيش أبغى أحقق من الذكاء الاصطناعي؟
لأن مو معقول تقضي شهور تتعلم أدوات وتتابع أخبار وتجمع دورات وبالنهاية ما تعرف كيف تستفيد من كل اللي تعلمته.
👀 والحين عندي فضول أعرف منكم شي
إيش هدفك أنت من تعلم الذكاء الاصطناعي؟ هل هو وظيفة، دخل إضافي، مشروع خاص، أو شي ثاني؟
وإذا بدأت تتعلم من فترة، هل وصلت للهدف اللي كنت تبغاه؟
شاركوني، ودي أشوف تجاربكم ❤️
4
1 comment
أنت ليش تتعلم الذكاء الاصطناعي 🤔 ؟
powered by
skool.com/diwan-automation-6064
ديوان الاعمال هو مجتمع مجاني نساعد بعض فيه ونشارك خبراتنا وتعلمنا
Suggested communities
Powered by