قاعد أجهز للدورة القادمة على منصة تدري، والصراحة ودي آخذ رأيكم قبل ما أبدأ.
أنا كان ببالي إن أول دورة تكون عن أساسيات الذكاء الاصطناعي، يعني نتعلم كيف نتعامل معه بالطريقة الصحيحة، وكيف نستفيد منه في حياتنا وشغلنا، حتى لو ما عندنا أي خبرة سابقة.
والهدف مو إنك تخلص الدورة وتعرف تستخدم كم أداة وبس، لا، أبغاك تطلع منها وعندك أساس قوي يخليك تقدر تدخل في المواضيع المتقدمة بعدين وأنت فاهم وش قاعد تسوي.
لكن قلت ليش ما أسألكم؟
تبغون نبدأ من الأساسيات؟ ولا ودكم ندخل في العميق من أول دورة؟
مثلاً نتعلم كيف نبني تطبيقات iOS باستخدام الذكاء الاصطناعي، وكيف نربطها ببوابات الدفع وقواعد البيانات، ونوصل لمرحلة يكون عندنا تطبيق جاهز للإطلاق.
أنا شخصياً أشوف إن الأساس مهم، لكن بنفس الوقت يهمني أعرف وش أنتم محتاجين فعلاً.
ودي أسمع منكم، لو القرار بيدك وش تختار؟
- نبدأ بالأساسيات ونبني فهم قوي للذكاء الاصطناعي.
- ندخل في التطبيق العملي مباشرة ونتعلم كيف نبني تطبيق كامل.
❤️ وبالذات اللي ناوي يتعلم معنا على تدري، رأيك يهمني