21d • General discussion
語音轉文字真係咁重要嗎？
香港人變得越嚟越懶，越嚟越唔鍾意打字，語音轉文字變成我哋手機上面好重要嘅一個功能。
但係好搞笑，我屋企人仍然係鍾意直接用錄音。我每次見到嗰啲錄音，我就覺得好掹掗，因為唔能夠即刻睇到，要花時間慢慢聽。
今次想同大家分享嘅，係一個叫 Typeless 嘅 AI 工具。佢其實就係一個語音轉文字嘅工具，但係佢係我用過最 smooth 嘅廣東話轉文字 AI。佢是我用過最精準、最快嘅語音轉文字工具，比起你用嘅 iPhone 上面嘅語音轉文字，實在好太多啦，而且對於你嘅一啲專屬嘅 terms 或者詞語，佢有學習能力。可能你會覺得 iPhone 自帶嗰個語音轉文字功能已經好夠用，但我個人認為近年嚟佢嘅表現係差咗，而且亦都好蠢，唔會識得記住一啲你成日都講嘅獨有詞彙同埋 terms。
例如好似呢個平台 Skool 咁樣啦，iPhone 嘅語音轉文字聽完之後打咗 school，但係Typeless 喺經過學習之後，已經修正返，並且已經知道 Skool 係乜嘢一回事。
Typeless 就可以喇。Typeless 可以俾你喺電腦、iPad 同埋 iPhone 上面同步使用，喺電腦上面操作特別正。其實大家而家睇緊嘅呢篇文，我都係用 Typeless 去口述出嚟嘅。我 customise 咗個掣係撳 Option，撳 MacBook 上面個 Option 嘅話，只要我撳一下，佢就會將我講嘅意思寫返出嚟。
而最正嘅一樣嘢，就係佢識得將我一啲講得唔清楚嘅地方整理好之後，用通訊或者甚至乎係 point form 點列式嘅方式去寫返出嚟。即係話，就算你表達自己嘅能力唔係太好，你仍然都可以透過盡力去講完之後，信賴個 AI 去幫你將你講嘅嘢整合。而且速度非常之驚人啦！我連續講咗兩分鐘嘅説話，基本上佢唔使八秒到，佢就已經會全部成功轉錄曬做文字，寫返曬出嚟。
基本上我睇過內容都係完全正確，完全就係我想講嘅意思。
透過呢條 link 去買，會有 5 蚊美金優惠 :
0
0 comments
語音轉文字真係咁重要嗎？
