Vor einige Monät han ich mit de Firma Huagon Kontakt ufgnoo. Ich han mit em Mike duzendi Mails hin und her gschribe, bis d Lademodul endlich so passt hend, wie ich sie für mini Holz-Lader bruche. Das isch ziemlich lang gange und grad dete han ich gmerkt wie vill Ziit so es projekt brucht. Nöd eifach nume arbeitsziite, sondern uf Antworte, lieferige, updates und vieles so Zügs warte. Es gaht nöd nur drum, es Stück Holz schön zschliife und es Modul ine zklebe. D Elektronik muss zuverlässig sii, d Grösse muss stimme, d Leistig muss passe und am Schluss mues alles sauber ine Produkt funktioniere. Mittlerwiile isch de Prozess viel einfacher worde. Ich chan ihm jetzt e churzi Mail schribe und cha direkt wieder Modul für die nächsti Serie bstelle. Für die nöchste 35 Handylader, wo grad in Bearbeitig sind, bruch ich no d Elektronik. Darum han ich ihm jetzt gschribe, damit d Modul rechtziitig da sind, wenn ich sie bruche.