في ظني دايم اول عميل لك ما تنساه ،، شاركونا تجاربكم و مشاعركم

شكراً عبدالله على هذا المجتمع الرائع نحتاج يكون فيه تفاعل عشان نستفيد من المجتمع بشكل اكبر

من وجهة نظرك كيف الواحد ممكن يتميز في مجاله ؟ نشوف ابداع مشاركاتكم

احتاج واحد يكون شريكي في مشروعي والتفاصيل كما يلي: 1. العمل اللي رح تقوم به هو انك تنشر نفس المحتوى اللي رح انشره بالعربية وانا مكلف بالجمهور الامريكي 2. من المستحسن انك تكون من الخليج وخاصة دبي عشان الخورزميات 3. لازم تكون عندك ولو مهارات اساسية في المونتاج 4. اللي مهتم يبعثلي في الخاص ويد الله مع الجماعة ↗️

شلون وصلت ٥٠ ألف متابع في ٤ شهور؟ السالفة جدًا بسيطة. أول شي سويته، درست كل شي عن صناعة الفيديوهات، وخصوصًا الـ هوك (أول ثواني من الفيديو). الهُوك هو أهم جزء، لأنه هو اللي يشد الناس يكملون الفيديو ويخلّي المحتوى ينتشر. والطريقة اللي مشيت عليها كانت جذي: - رحت أدور على أفضل ٢٠ صانع محتوى في نفس مجالي. - وشفت شو أكثر فيديوهات عندهم انتشرت. شلون تعرف إن الفيديو فيرال؟ إذا عدد المشاهدات أكثر من عدد المتابعين ×٥، فهذا يعتبر فيديو فيرال. بعدين، بديت أقلد الأنماط والأفكار اللي شفتها في الفيديوهات هذي، ومع الوقت بدأت فيديوهاتي توصل مشاهدات عالية وبعضها انفجر بجد. وأهم نقطة فالموضوع: بلّش، لا تضيّع وقتك بس تتعلّم. تعلّم وإنت تطبّق، هذا هو السر.