من بعد اذنكم انا حصلت على قبول مشروط لدراسة البكالوريوس وبدي اعمل موعد بالسفارة سؤالي هل بيأثر على موضوع الفيزا اذا كان الكفالة من شخص بألمانيا وليس حساب مصرفي مغلق يعني هل مممن تنرفض الفيزا لهاد السبب وهل ممكن يصير اي تأخير او تعقيدات بسبب هاد الموضوع وشكرا لكم

مرحبا يعطيكم العافية أنا قدمت على قبول جامعي بكالوريوس للهندسة المعلوماتية واجاني قبول مشروط من جامعة دورتموند للفصل الصيفي ٢٠٢٥ وحاطين انو معي وقت للالتحاق او تقديم حجز كورسات لغة لغاية ٣ تشرين اول ٢٠٢٥ ومن جامعة ايسن صالح لغاية الشهر الاول ٢٠٢٦ طبعا انا الخطة اني قدم عالفيزا بقبول بكالوريوس الهندسة وبس اوصل بدي ادرس طب بشري لأن متل ما بتعرفو السفارة ما بتفيز للطب وبدي حاول جيب القبول قبل ما سافر (معدلي بالبكالوريا بيجيب طب بشري ) وبسبب الظروف يلي صارت بسوريا ما قدرت قدم فحص اللغة بالاردن ولا قدمت عالسفارة حاليا عم فكر قدم فحص اللغة بالشهر التاسع واحجز موعد سفارة بالشهر ١١ او ١٢ واحجز كورسات اللغة بألمانيا ابتداء من الشهر الاول ٢٠٢٦ عندي ٣ كورسات B2 C1 C2 لاوصل ل DSH3 بدي حوالي ٩ اشهر لخلص يعني بيكون صار موعد الفصل الشتوي ٢٠٢٦ للالتحاق بالجامعة سؤالي هل السفارة بتعتبر خطتي مناسبة وبتفيزلي ولا فيها خلل وهل لازم جيب قبولات جديدة لقابل عليهم بالسفارة ولا ممكن مدد القبولات يللي معي وشكرا سلفا عالمساعدة

لو سمحتو مشان تصديق شهادة البكالوريا والعلامات لنبعتهم عاليوني أسيست لازم تصديق السفارة الالمانية ولا بيكفي عدلية وخارجية سوريا واذا لازم تصديق كيف ممكن الواحد يبعتهم عالسفارة الالمانية بلبنان ولا الاردن؟ وكيف؟ يعني في مكاتب بتقدم هالخدمة