Ek is lief vir my taal, en ek is lief vir my land. Daarom sal ek ongelooflik graag hierdie gemeenskap wil sien groei. 'n Gemeenskap waar ons met trots Afrikaans kan praat in 'n wêreld waar Engels die oorhand het. 'n Gemeenskap waar net óns regtig verstaan wat dit beteken om op 'n Saterdagmiddag hout aan die brand te steek voor 'n Bok-wedstryd. 'n Gemeenskap waar ons mekaar ondersteun, vir mekaar omgee en mekaar aanspreeklik hou om beter mense te word. Hierdie is my tweede gemeenskap, naas Skool of Success, en ek wil eerlik met julle wees. My volle fokus is tans daarop om Skool of Success op 'n stewige fondament te bou. Indien daardie gemeenskap teen September nog nie die rigting en momentum gekry het waarna ek mik nie, en hierdie Afrikaanse gemeenskap intussen ook nie begin groei het nie, sal ek ongelukkig die moeilike besluit moet oorweeg om hierdie groep te sluit. Dit is egter my laaste uitweg, en ek bid en glo dat dit nooit nodig sal wees nie. Ek glo opreg dat hierdie maand 'n keerpunt vir albei gemeenskappe gaan wees. Want wat het 'n gemeenskap nodig? Aktiwiteit. Sodra meer Afrikaners hier begin deelneem, hulle stories vertel, vrae vra en mekaar ondersteun, gaan hierdie 'n besonderse plek word. En ek weet dit begin by die leier. Ek wil dus eerste die voorbeeld stel. Ek sluit af met een van my gunsteling aanhalings: "Afrikaners is plesierig, dit kan julle glo." 🇿🇦

Gisteraand se eerste Ontmoet & Groet-sessie was uitstekend! Baie dankie vir die lekker gesprek, @Henriëtte Joubert . Ek het dit opreg geniet. Ek glo hierdie gemeenskap het groot potensiaal om oor tyd mooi te groei. Dit kan 'n wonderlike plek word waar Afrikaners op Skool mekaar leer ken, idees uitruil, mekaar ondersteun en sommer net lekker gesels. Al bly dit vir eers net 'n klein ondersteuningsgroep, of ontwikkel dit later in iets groter – ek dink ons is op 'n goeie pad. Een ding wat my tot dusver op Skool opgeval het, is dat die gemeenskappe wat die meeste uitstaan, dié is met uitstekende gemeenskapsbestuurders en gashere. Ek moet erken, ek het so 'n bietjie die bal laat val op daardie gebied en wil graag daarin verbeter. Dis egter nie altyd maklik om twee gemeenskappe alleen te bestuur, aktief in ander gemeenskappe te wees, voltyds te werk, tyd vir my gesin te maak en al die ander honderd dinge ook te probeer doen nie. Dit is juis waaroor Henriëtte en ek gisteraand gesels het. Ek is op soek na iemand wat saam met my as gemeenskapsbestuurder én gemeenskapsvennoot wil help bou. Indien ons sou besluit om die gemeenskap eendag te monetiseer, is my plan dat so 'n vennoot gelyk in die wins sal deel. As jy dink dit is iets waarvoor jy 'n passie het, stuur gerus vir my 'n boodskap. Ek hoor graag van jou. Vriendelike groete aan almal! 🇿🇦

Join die eerste ONTMOET EN GROET lewendige oproep nou: https://www.skool.com/live/Fq7lHhS42xn

Ek besef nou net iets toe ek weer in die gemeenskap kom koekeloer .... Kyk maar gerus in die fotos onder ook - ek het skoon vergeet van ons Ontmoet en Groet sessie laas Vrydag. Kom ons probeer weer vanaand asb. Het enigeiemand laas Vrydag by gewoon? Gaan iemand vanaand dalk bywoon @Henriëtte Joubert ? Daar is een spesifieke ding waaroor ek graag sal wil gesels - die toekoms van hierdie groep en hoe om dit moontlik te kan laat groei.

https://www.skool.com/live/qyVzNYf9FNZ Ons heel eerste regstreekse ontmoet en groet sessie word Vrydag (môre) aand die 3de Julie gehou en nie 4 Julie soos in die foto nie om 21h00 tot so 22h00. Ek sien uit om meeste van julle daar te sien dan kan ons lekker gesels/ Groete, JP