Hihi! Lessons 26-30已經upload咗上Skool，有幾樣新嘢想講解一下： 1. 由Lesson 21開始新加入了「Rhythm」呢一部份，暫時以4 拍為主，大家會聽到4拍會重複三次，第一次的4拍會用圖案eg. 「Egg」顯示，第二次的4拍，我將「Egg」的圖案連結去一拍（四分音符），第三次的4拍，就直接用真正的四分音符顯示。呢個方法係同「自家教材」裏面「數拍子」方法是一樣的。未睇嘅可以去參考埋！ 2. 另外，歌曲方面會見到有重複，因為每一首歌我會用不同的調（Key signature)重複三次，分別係C Major Key, F Major Key + G Major Key. 所以例如Lesson 16有C Major的「Are you sleeping」，Lesson 21會再出現「Are you sleeping」，不過今次會係F Major Key；然後Lesson 26「Are you sleeping」會出現最後一次，最後呢次係「G Major Key」，原因係想俾小朋友知道原來每一首歌，其實喺任何一個音開始都可以彈出同一首歌，其實係點算知，四月尾的Zoom會詳細教大家，原理好簡單，好似數學，大家一定聽得明！ 3. 然後，「Flash」的部份今次用Keyboard形式出現，橫跨咗三個八度，唔再淨係用中間的音，原因係想俾小朋友認識到原來每一個音都可以有高有低，所以例如「C-E-G」都會有唔同嘅聲。 4. 最後，「Listening」部份Lesson 21開始唔再用鋼琴聲，改為每一題都用唔同嘅樂器聲，聽出嚟應該會好大分別，所以每一題，家長可以先重複C Major + F Major的聲音幾次，然後先繼續去「?」呢一版。 有其他問題，歡迎大家隨時whatsapp group提問 / PM我🩵

如果大家未睇: 4月新教材可以喺呢度搵到👇 https://www.skool.com/perfect-pitch-primer/classroom/a2262a89?md=cba0476356e74de78bdbf0cb7b5ba689 有好多家長PM問：一開始應該點樣測試一下小朋友究竟認唔認得某一啲音呢？ 有幾位家長都係話佢哋一次過拎晒八個Bells出嚟，隨意打一個俾小朋友估，呢個對於小朋友嚟講有難度，八個音相對上比較多，小朋友會mix up。 所以我四月呢一份教材，有講解埋我哋應該點樣循序漸進，首先要測試邊幾個音，一撳上面條link就見到教學影片了。 🌟我另外新加入了F Major的Choo Choo Train!🥳 (同C Major不同圖案的🩵) 亦都喺上面同一個folder搵到。有買Full Set Rainbow Bells的家長可以拎出嚟排列一下！

如果大家未睇：4月兩份新Rainbow Bells樂譜： 1. 消防車 2. Head Shoulders Knees and Toes 兩份PDF可以喺呢度搵到👇 https://www.skool.com/perfect-pitch-primer/classroom/629f6259?md=d6969c6054cc474b812f79e6359c6c04 另外，5月9號會出新的Rainbow Bells樂譜，大家可以suggest/request一下有啲咩歌小朋友鍾意嘅🥳 之後我再因應Bells可以打到的可行性再決定🫶

我會詳細講解一下我base on邊幾個area去做教材，每一個area我哋想小朋友首先認識到的知識 + 點解要拆解做每一個好細的mini-step。之後家長教室會由零開始真係教大家點樣去睇五線譜等等。 大家可以將遇到嘅問題先PM / Whatsapp我，到時我哋可以一齊講解埋🥳 (重播會放上平台)

為咗方便大家知道幾時會有啲咩推出，已經將之後每5日的影片課程 / 新教材 / 新Rainbow Bells樂譜的推出時間 + Zoom日期時間 全部加入了「Calendar」，一目了然。