اللي يشوف الفيديو يقول استفاد ايه

السلام عليكم عاوزين كلنا نكتب الجملة دي بخط الرقعة: "نور على نور" وهصحح كل الأعمال التسليم: الأحد الساعه ٨ مساءً

طيب يا جماعه الخير انا عندي مشكله🥲...دلوقتي انا شخص أشول اليد لكن اتعلمت اكتب بإيدي اليمين منذ الصغر (الكتابة اليومية لكن الخط سيئ للاسف) وبعرف اكتب شويه بالشمال بردو✍️... وحاليا البوص لقيت انو صعب امسكها باليد الشمال عشان اتجاه السن المائل...وباليد اليمين الكتابة مش احسن حاجه( اكيد واضح من الصور اللي رفعتها قبل كدا ونأسف لبشاعة الخط🤣)...فأشتري منين بوص اتجاه شمال فالقاهره ؟ ولا ممكن مع التدريب الكتير اعرف احسن الخط باليمين؟! 🫠 أفيدوني

محاولة لفهم نصائح الاستاذ يارب ارزقنا الفهم و الإتقان

صباح الخير يا جماعة 🌷 1- الأقلام البوص: لاحظت إنها بتتأثر بالحبر والمياه، فبتحتاج من وقت للتاني قط وصنفرة علشان نحافظ على دقة الحروف وشكلها 2- تنظيف القلم: يفضل بعد ما نخلص نمسح السن وأي زوائد حبر بقطعة قماش مبللة 3- كمية الحبر في المحبرة: لاحظت إن لما الحبر بيكون قليل القلم بيقطع، ولو الحبر زيادة الحروف بتضيع ومبتطلعش مظبوطة وأعتقد إن دي حاجة مع الوقت والممارسة هنقدر نتحكم فيها أكتر ونظبط الكمية المناسبة. ✍️ ولو حد جرب الأقلام المعدن ياريت يقولنا رأيه فيها ، وهل شايفها أفضل من أقلام البوص؟ 😊 ولو حد اكتشف طريقة أو أداة أو نصيحة أثناء التدريب سهلت عليه الكتابة، ياريت يشاركنا بيها عشان كلنا نستفيد ❤️