اي والله انصح اي احد يدخل البرنامج لايستعجل النتائج حتى لو شهرين او ثلاث لا لازم يستمر عشان فعلا يشوف الفرق ، انجاز اليوم ٢٩ أبريل ، بنتي كانت تبكي زعلانه وابوها كان زعلان لانها تبكي ويقولها خلاص انتي كبيره مايصلح تبكي وعلطول تذكرت كلامك الاطفال الي مابهدوهم اهلهم وهم صغار مايعرفو يعدو انفسهم وعلطول هديتها في ٥ ثواني وابوها له ١٠ دقايق يقولها اسكتي😂😂😂لكن صرت أؤمن اني كفايه حتى لو ابوهم ماقدر يوصل للمرحله الي وصلتها ، التحدي ، ان اليوم صار اكثر من موقف كنت متعوده فيه اقرص أذنهم لما يعملوه لكن فعلا نسيت كيف طعم اني اضرب اطفالي الله لايعوده وقبل لما كنت اقرب من بنتي تغطي اذنها الحين مستحيل تغطيها الحمد لله وسامحني يارب على كل ذيك الاوقات

- تحدي اليوم ٣٠ أبريل ؛ لما اكتشفت ان التصفح السريع يرهقني ويرهق حهازي العصبي على طول سويت خطه مفصله لاستخدام الهاتف بحيث اكون غير مشتته واكون حاضره اكثر مع اطفالي . - إنجاز اليوم ٣٠ : لما كان البيت فوضى كنت على وشك انهار واعصب لكن عرفت ان جهازي العصبي يعتبر اي فوضى تهديد ووعيت في اللحظه وعلطول صلحت الي اقدر اصلحه. - تحدي اليوم ١مايو:تجمعنا انا واهلي وكان فيه ضغط وطاقه سلبيه وتوتر وكانو حذرين مره لأننا كنا نشوي حاولت احمي نفسي وماادخل في الجو العام وسويت تمارين التهدئه. - انجاز اليوم ١ مايو : لما اختي اخذت القطه من عند الاطفال بنتي انهارت تبغاها وبكت وجلست تصرخ عرفت كيف اهدي جهازها العصبي واغير الحاله الي كانت فيها . - تحدي اليوم ٢ مايو :لما ولدي ضربني بقوه وألمتني الضربه قررت اني مااردها له زي شىانا القديمه الي لما كانو اطفالها يضربونها ترجع لهم الضربه وبينت له قد ايش انا حزينه وماابغا الي سواه يتكرر. - انجاز اليوم٢ مايو : كأم بدون عامله كل كم يوم اجهز وجبات الايام الحايه او اقطع الخضار واللحوم اجهزها وهذا يخفف الحمل عني كثير ويعطيني وقت البي احتياجاتي. - تحدي اليوم ٣ مايو : حسيت اني من يوم صحيت من النوم وانا اركض ومستعجله وجهازي العصبي في حاله طوارئ خذيت لي نص ساعه تأمل في السماء والشجر ومشي بطيئ وطبعا اطفالي كانو معي. - انجاز اليوم ٣ مايو : رغم ضيق الوقت الا اني ماقدرت افوت وقت قصه قبل النوم لاطفالي لاني اعرف قد ايش عي مهمه بالنسبه لهم وقبل النوم بساعه احاول يكون كلشيء هادي وجهازهم العصبي في حاله هدوء عشان ينامون نومه متواصله ومرتاحه .

كوتش وين حلقه بودكاست بدور مالقيتها؟

لقيتها خلاص هو بودكاست ( رزق ) للي ماكانو يعرفو زيي