Jul 29 • General discussion
莊家心態3條鐵律
想在投資世界中站穩陣腳，獲得穩定而長期的收益的話，一套完善的投資心理是非常重要的。因為就算技術再好，如果我們沒有遵從系統、接受不了途中的波動，又或者剛剛進場又即時離場的話，哪怕是大師，亦會陰溝裏翻船。我整理咗三大投資鐵律，這是從幾十位大師的言行和interview之中精簡出來，目的係想幫大家喺落場嗰一刻，唔使淨係靠一時嘅情緒同直覺去做決定。
呢排啱啱有一單好貼題嘅新聞：南韓嘅記憶體晶片大廠SK海力士，公佈咗第二季業績——營運利潤按年勁升557%，係歷史新高。但因為分析師本身嘅預期仲要高，股價收市即刻跌咗9.6%。
業績破晒紀錄，股價都仲要跌——如果你揸住呢隻股，你會點反應？係咪都會有少少心大心細，甚至想即刻走人？
呢個反應，其實好正常。喺《The Art of Execution》呢本書入面，作者Lee Freeman-Shor訪問過45位管理過億美金嘅基金經理，發現一個好有趣嘅結論：贏輸嘅關鍵，往往唔係揀啱定揀錯隻股，而係跌嗰陣同贏嗰陣，你點樣處理。
我將呢個框架，同自己20年落場嘅經驗，濃縮咗做以下三條鐵律：
① 入場之前，先寫低「故仔壞咗」嘅定義——唔係睇個價跌幾多，係睇支持你判斷嗰個原因，變咗未 ② 跌唔代表要走，貴唔代表要走——先問返原因仲喺唔喺，先決定係斬定加 ③ 贏緊嗰陣，唔好淨係諗「幾時沽先至穩陣」——莊家要嘅唔係一鋪贏晒，係一個可以重複執行嘅系統
詳細版本（包括每一條鐵律嘅「點做」實際步驟）我已經整理咗做PDF，喺下面附咗，歡迎攞去睇、儲低。
睇完之後，都想問你一句：你自己落場嗰一刻，通常會有邊一種反應？留言講吓，等我哋一齊傾。
0
0 comments
莊家心態3條鐵律
Suggested communities
Powered by