26d (edited) • العام 🗣️
لا تبني انظمة لحالك!👎
اذا انت توك بادئ او قد بنيت انظمة فهذي نصيحة
لاتبني انظمة لحالك!!
اغلب مستعملين الذكاء الاصطناعي يجلس يبني ومامعه احد غير كلود يرد عليه
والمشكلة كالتالي
كلود مابيقولك ان فكرتك خايسة او ان فيه طريق اسهل او حتى اذا المفروض تسويها او لا😅
ليش؟ لانه يبغاك تستعمله اكثر واكثر وتقعد مشترك فلذلك بيقعد يطبل لاي فكرة تقولها
عندك فكرة بناء تطبيق يساعد الحمام الزاجل يعرف البيوت الفاضيه عشان ينام فوقها وبعدها تخطط له رحلة الشتاء والصيف؟
🕊️🌳
فيه ٦ مليون حمامه فالسعوديه لو كل حمامة تدفع لك ١٠ ريال شهريا انت بتدخل ٦٠ مليون ريال واو واو واو انت خطير واخطر واحد
مابيقولك ترا الحمام ماعنده فلوس ولاتعرف تتكلم معه وحتى لو قدرت مابيشتري وبينام فالشجر بلاش
وكذا تضيع وقتك وانت تعتقد انك تشتغل وفالحقيقة انت بس تضيع وقتك وجهدك وماتتقدم في حياتك المهنية او الشخصية وتحس انك عالق
//
بعد مادربت فوق الف سعودي على الذكاء الاصطناعي هذا الي بسويه لو كنت مكانك
بكون تحت اشراف شخص، سواء كان مدرب او عميل لفكرتك او حتى زميلك!
ولازم هذا الشخص يكون صادق ومايسلك لك ويقول الصدق لك ولايضيع وقتك
هذا بيسمح لك تعرف انت بنفسك ايش الافكار الصح وايش الي تضيع وقت مثل تطبيق الحمام الزاجل
والان انت في عملك كمدير او صاحب شركة فكر فيها كالتالي
هل انت تحاول تضيع وقتك وجهدك كل يوم ؟
او تبغا توصل للفائدة من الذكاء الاصطناعي بسرعه بدون فلسفة ؟
12
8 comments
لا تبني انظمة لحالك!👎
Suggested communities
Powered by