رح نكبر ونوصل للعالم كله، هاد اللي رح يتغير الك

أخذت قرار بخصوص وين رايح هالمجتمع، وحبيت أحكيلكم فيه مباشرة لأنه رح يخلي اللي بتاخدوه هون أقوى

في الفترة الماضية غبت هون وما بدأت البداية اللي كنت مخططلها، كنت مشغول في برنامج قوي بنفس فكرة المجتمع هذا، وكنت أقدمه لمتدربين موجودين في امريكا، ومن هون أجت الفكرة

من ههلأ وجاي، المجتمع هذا رح يتحول للإنجليزي، المنشورات، الفيديوهات، الكورسات، وكل المصادر. واستنى علي شوي قبل لا تزعل كمل قراءة في اشي بهمك جداً!

خليني احكيلكم ليش هذا القرار الصح، وليش هو بالذّات لمصلحتكم إنتوا:

المصاري بالانجليزي:

خلينا نكون صريحين: الفلوس والمصاري والرّبح بالإنجليزي

العملاء اللي بدكم توصلولهم، اللي بدفعوا منيح مقابل التطبيقات والمنتجات، هم حول العالم.

إذا بتبني عشان تكسب، فإنت بتبني لسوق بحكي انجليزي (حتى في البلدان العربية). لما تتمرن هون، انت فعلياً عم تتدرب على اللعبة الحقيقية، ومش على نسخة تجريبية منها!

الأدوات بالانجليزي:

كل نموذج ذكاء اصطناعي، كل دوكيومنتيشن (توثيق) وكل مصدر للمؤسسين بيستاهل وقتك بحكي انجليزي اول اشي. المؤسسين اللي بتحركوا أسرع، هم للي مرتاحين يشتغلوا باللغة الانجليزية.

وهون رح تبني هالعضلة والمهارة، بالممارسة! مش بدراستها لحالها

أحسن معرفة عن ريادة الأعمال بالإنجليزي:

دراسات الحالة، الأطر العملية الناجحة، الناس اللي فعلاً عم تبني منتجات ناجحة، الدراسات والأبحاث، حتى الكتب!

أغلبهم بيشاركوا بالانجليزي، احنا رح نوصلك مباشرة لهذا المصدر، بدل ما تستنى لحد ما يتترجم او تلاقي ترجمة، ويكون متأخر ومتخفف

اشي واحد ما رح يتغير:

اذا الإنجليزي لسا مش قوي عندك، انت لسا مرحّب فيك هون، انا وكل الموجودين حنكون سندك. بتقدر تتواصل معي بأي وقت ورح أساعدك تكمل معنا. ما حدا رح ينترك لحاله ورا.

هذا مكان للبناء، واحنا بنبني مع بعض

هاي رؤية أكبر ومن وين بدأنا، وانتوا هون من البداية او حتى قبل البداية، وهاد بحد ذاته اشي مهم!

يلا نبني

جهزوا حالكم، انا الان تركيزي على هذا المجتمع، وخلال هذه الويكند رح تبدأ سلسلة بناء اول تطبيق ناجح مع بعض

يلا نبني

0 comments

رح نكبر ونوصل للعالم كله، هاد اللي رح يتغير الك