Өвдөнө, сэтгэл санаагаар унана, ажил их байна, хүүхэд өвдөөд нойргүй хононо, баяр хөөртэй үйл явдал тэмдэглэнэ, хөдөө гадаа явна гээд дадал тасрах үе гарна аа. Тэр үед зүгээр өөрийгөө уучлаад зогссон газраасаа үргэлжлүүлээд явдаг юм шүү. Дадал гэдэг төгс байх ёстой зүйл биш харин үргэлж сайжирч байх ёстой зүйл. ☘️

Өдрийн мэнд, Амьдралаа өөрчлөх 30 өдрийн аян гарын авлага гээд Өглөөний гайхамшгийн нэг чухал гарын авлага байдаг. Үүний хамгийн сүүлийн хувилбарыг орчуулан Classroom -ийн 14 дэх бүлэг сэдэв буюу Гарын авлага, материал дотор бий. Та бүхэн хэвлэж аваад бүрэн уншиж, бөглөх хэсгүүд дээр ажиллаарай. Өөр лүүгээ өнгийх, дүгнэх, зорилгоо тодорхойлоход их тустай гарын авлага шүү. Нэг дор маш их мэдлэг мэдээлэл биш мэдсэн зүйлээ хийж үйлдэл болгох нь чухал учраас хичээлүүд маань өдөр бүрийн бичил хичээл, даалгавар гэсэн байдлаар явж байгаа. Та бүхэн өдөр бүрээ алдахгүй яваарай. За тэгээд бүгдэд амжилт хүсье! Татаж аваад хийж эхэлсэн нь коммент үлдээгээрэй.

7 хоног явчихлаа, энэ л зөв, энэ яг надад тохирох юм байна гээд эрмүүн хүслээр эхэлсэн байх. Гэтэл тэр нь ч арай болохгүй, энэ нь ч арай боломжтой юм шиг бодогдож болно. Харин одоо 7 өдрөө дүгнээд юуг хэтэрхий өндрөөр бодож эхлүүлсэн байна, ямар боломжтой зүйлийг боломжгүй гэж харсан байна гэдгээ тунгаан бодоорой. Classroom - д орсон хичээлүүдээ өдөр бүр бага багаар үзэж явсан бол та аль хэдийн Дадлын системээ үзсэн байх учиртай. Тэгэхээр бүр сайн дүгнэлт хийж чадна, миний дадлын дохио юу вэ? гэх мэтээр бодоод илүү хөрсөн дээрээ буусан, өөртөө тохирсон зөв өглөөний дэглэмээ тодорхойлж чадна. Би эхлэхдээ ингэж л бодож эхэлсэн гэхгүйгээр юуг өөрчлөх үү, юуг сайжруулах уу гэх мэтээр үргэлж шинэчилж сайжруулах нь чухал юм шүү. Өглөөний гайхамшиг номыг уншаагүй эхэлсэн бол номоо нэг уншихад гэмгүй шүү, олон зүйлийг системтэй мэдээд авчихдаг гэхүү дээ. Шинэ 7 хоногтоо төвлөрөлтэй, үйлдэл төвтэй байгаарай. Бүгдэд нь амжилт хүсье!

Таны өөрөөрөө хамгийн их бахархсан мөч аль нь байсан бэ? Жишээ нь: ☀️ Анх удаа төлөвлөсөн цагтаа боссон. 📚 Номоо өдөр бүр уншиж чадсан. 💪 Дадлаа тасалсан ч дахин эхлүүлсэн. 📝 Өглөөний Check-in-ээ тогтмол хийсэн. Том байх албагүй. Жижиг алхмууд л том өөрчлөлтийн эхлэл болдог. 🚀

🌱 Өглөөний дэглэмээрээ хийсэн зүйлс … 💬 Өнөөдрийн зорилго: …